អនុរដ្ឋមន្ត្រីក្រសួងការពារប្រទេសវៀតណាមលោក Hoang Xuan Chien បានស្វាគមន៍អនុរដ្ឋមន្ត្រីក្រសួងការពារជាតិនៃសាធារណរដ្ឋប៉ូឡូញ លោក Pawel Bejda។ រូបថត៖ An Dang/VNA

អនុរដ្ឋមន្ត្រី Hoang Xuan Chien បានស្នើថា នាពេលខាងមុខ ភាគីទាំងពីរផ្តោតលើការសុក្រឹត្យនិងបំពេញបន្ថែមនូវក្របខ័ណ្ឌនិងយន្តការសហប្រតិបត្តិការការពារជាតិទ្វេភាគី; បន្តជំរុញការផ្លាស់ប្តូរគណៈប្រតិភូគ្រប់ជាន់ថ្នាក់ ដើម្បីបង្កើនការយល់ដឹង ជំនឿទុកចិត្ត និងជំរុញកិច្ចសហប្រតិបត្តិការលើវិស័យការពារជាតិ ស្របតាមទំនាក់ទំនងវៀតណាម-ប៉ូឡូញទាំងមូល និងពង្រឹងកិច្ចសហប្រតិបត្តិការបណ្តុះបណ្តាល; រក្សាសន្តិភាពរបស់អង្គការសហប្រជាជាតិ; ឧស្សាហកម្មការពារជាតិ; ពេទ្យយោធា; និងការជួបប្រាស្រ័យរវាងយុទ្ធជនវ័យក្មេង។ អនុរដ្ឋមន្ត្រី Hoang Xuan Chien ក៏បានស្នើឱ្យប៉ូឡូញបន្តគាំទ្រសកម្មភាពសហប្រតិបត្តិការរវាងវៀតណាមនិងសហភាពអឺរ៉ុប (EU) លើវិស័យការពារជាតិ ស្របតាមក្របខ័ណ្ឌនៃកិច្ចព្រមព្រៀងដែលបានចុះហត្ថលេខារវាងវៀតណាម និង EU ហើយសង្ឃឹមថា សាធារណរដ្ឋប៉ូឡូញនឹងបញ្ចេញសំលេងគាំទ្រដើម្បី  EU ដកកាតលឿងលើជលផលវៀតណាមឱ្យបានឆាប់ៗ។

អនុរដ្ឋមន្ត្រីក្រសួងការពារប្រទេសវៀតណាម លោក Hoang Xuan Chien បានជួបពិភាក្សាជាមួយអនុរដ្ឋមន្ត្រីក្រសួងការពារជាតិនៃសាធារណរដ្ឋប៉ូឡូញ លោក Pawel Bejda។ រូបថត៖ An Dang/VNA

រីឯខ្លួនវិញ អនុរដ្ឋមន្ត្រីក្រសួងការពារជាតិប៉ូឡូញ លោក Pawel Bejda បានអះអាងថា វៀតណាមជាដៃគូសំខាន់របស់ប៉ូឡូញក្នុងតំបន់អាស៊ីអាគ្នេយ៍;  មានបំណងចង់ជំរុញកិច្ចសហប្រតិបត្តិការជាមួយវៀតណាមមិនត្រឹមតែលើវិស័យសេដ្ឋកិច្ចប៉ុណ្ណោះទេ ថែមទាំងលើវិស័យការពារជាតិ ជាពិសេសឧស្សាហកម្មការពារជាតិ ការបណ្តុះបណ្តាលនិងការថែរក្សាសន្តិភាពរបស់អង្គការសហប្រជាជាតិ។

នាព្រឹកថ្ងៃទី២៤ ខែមីនា នៅទីស្នាក់ការក្រសួងការពារជាតិ (ទីក្រុងហាណូយ) រដ្ឋមន្ត្រីក្រសួងការពារជាតិ នាយឧត្តមសេនីយ៍ Phan Van Giang បានទទួលជួបគណៈប្រតិភូជាន់ខ្ពស់ក្រសួងការពារជាតិប៉ូឡូញ ដឹកនាំដោយអនុរដ្ឋមន្ត្រី Pawel Bejda៕