អញ្ជើញថ្លែងមតិនៅទីនេះ លោក Nguyen Manh Quyen អនុប្រធានគណៈកម្មាធិការប្រជាជនទីក្រុងហាណូយបានអះអាងថា ភូមិសិប្បកម្មចំនួនពីរគឺ Bat Trang និង Van Phuc មិនត្រឹមតែជានិមិត្តរូបនៃសិប្បកម្មប្រពៃណីវៀតណាមប៉ុណ្ណោះទេ ថែមទាំងមានស្នាដៃច្នៃប្រឌិតសិល្បៈដែលឆ្លុះបញ្ចាំងពីទេពកោសល្យរបស់សិប្បករនិងកម្មករស្ទាត់ជំនាញ។ រហូតមកដល់បច្ចុប្បន្ន ពិភពលោកមានភូមិសិប្បកម្មចំនួន ៦៨ នៅក្នុងប្រទេសចំនួន ២៨ ដែលត្រូវបានទទួលស្គាល់ជាសមាជិកនៃបណ្តាញទីក្រុងសិប្បកម្មច្នៃប្រឌិតពិភពលោក។ ការទទួលស្គាល់ភូមិសេរ៉ាមិក Bat Trang និងភូមិតម្បាញសូត្រ Van Phuc ជាសមាជិកនៃបណ្តាញទីក្រុងសិប្បកម្មច្នៃប្រឌិតរបស់ក្រុមប្រឹក្សាសិប្បកម្មពិភពលោក គឺជានៃមោទនភាពផង និងជាសក្ខីភាពនៃការខិតខំប្រឹងប្រែងថែរក្សា និងលើកតម្កើងតម្លៃប្រពៃណី ខណៈដែលនៅតែបំពេញតម្រូវការនៃសម័យកាលផង។

ប្រគល់វិញ្ញាបនបត្រដល់ភូមិសិប្បកម្មចំនួន ២នៃទីក្រុងហាណូយ ដែលចូលរួមបណ្តាញសិប្បកម្មច្នៃប្រឌិតពិភពលោក។ រូបថត៖ VNA

ថ្នាក់ដឹកនាំទីក្រុងហាណូយបានសន្យាថា នាពេលខាងមុខ ទីក្រុងនឹងបន្តសហការជាមួយអង្គការអន្តរជាតិ ជាពិសេសក្រុមប្រឹក្សាសិប្បកម្មពិភពលោក ដើម្បីលើកកម្ពស់បន្ថែមទៀតនូវគុណតម្លៃនៃសិប្បកម្មហាណូយ ក៏ដូចជាការអភិរក្ស និងលើកតម្កើងតម្លៃភូមិសិប្បកម្មរបស់រាជធានីប្រកបដោយប្រសិទ្ធភាព៕