ການເຈລະຈາເສດຖະກິດ - ຍຸດທະສາດລະຫວ່າງ ອາເມລິກາ - ຈີນ ຄັ້ງທີ 6 ຈະຖືກດຳເນີນໄປຢູ່ ປັກກິ່ງ
(ພາບປະກອບ: Getty)
(vovworld) - ວັນທີ 13/5, ກະຊວງການຕ່າງປະເທດ ອາເມລິກາ ອອກແຈ້ງການວ່າການເຈລະຈາເສດຖະກິດ ແລະ ຍຸດທະສາດລະຫວ່າງ ອາເມລິກາ - ຈີນ ຄັ້ງທີ 6 ຈະຖືກຈັດຕັ້ງຢູ່ ປັກກິ່ງ ໃນຕົ້ນເດືອນ 7 ຈະມາເຖິງ. ທ່ານລັດຖະມົນຕີການຕ່າງປະເທດ ອາເມລິກາ John Kerry ແລະ ທ່ານລັດຖະມົນຕີກະຊວງການເງິນ ອາເມລິກາ Jacob Lew ຈະເຂົ້າຮ່ວມການພົບປະສົນທະນາດັ່ງກ່າວພ້ອມກັບຄູ່ຕຳແໜ່ງຂອງຝ່າຍ ຈີນ ແມ່ນທ່ານ ຫວາງເຈຍຈື, ກຳມະການລັດຖະບານ ແລະ ທ່ານຮອງນາຍົກລັດຖະມົນຕີ ຈີນ ຫວາງຢາງ. ທີ່ການເຈລະຈາຄັ້ງທີ 6 ນີ້, ສອງຝ່າຍຈະສຸມໃສ່ປຶກສາຫາລືກ່ຽວກັບບັນດາສິ່ງທ້າທາຍ ແລະ ກາລະໂອກາດເຊິ່ງສອງປະເທດພວມຕ້ອງປະເຊີນໜ້າ, ນັບທັງການພົວພັນສອງຝ່າຍ, ພາກພື້ນ ແລະ ທົ່ວໂລກ. ການເຈລະຈາກໍ່ແມ່ນການສືບຕໍ່ບັນດາຫົວຂໍ້ເຊີ່ງທ່ານລັດຖະມົນຕີການຕ່າງປະເທດ John Kerry ໄດ້ປຶກສາຫາລືກັບຝ່າຍ ຈີນ ໃນການຢ້ຽມຢາມ ປັກກິ່ງ ເມື່ອເດືອນ 2 ຜ່ານມາ ແລະ ການຢ້ຽມຢາມ ປັກກິ່ງ ຂອງທ່ານລັດຖະມົນຕີກະຊວງການເງິນ Jacob Lew ໃນສັບປະດານີ້.