ຊຸກຍູ້ການເປີດສາຍການບິນສາກົນ ດ່າລາດ - ສິງກາໂປ
ນະຄອນ ດ່າລາດ
(ພາບປະກອບ)
(vovworld) – ທີ່ກອງປະຊຸມສຳມະນາສົ່ງເສີມການລົງທຶນ ແລະ ເປີດສາຍການບິນສາກົນ ດ່າລາດ - ສິງກາໂປ ຖືກຈັດຂຶ້ນໃນວັນທີ 21/10, ຢູ່ສິງກາໂປ, ທ່ານ ຫງວຽນຊວນຕ໋ຽນ, ປະທານຄະນະກຳມະການປະຊາຊົນແຂວງ ເລີມດົ່ງ ໄດ້ເນັ້ນໜັກວ່າ: ແຂວງຈະສ້າງເງື່ອນໄຂເພື່ອໜູນຊ່ວຍບັນດາວິສາຫະກິດທັງຢູ່ພາຍໃນ ແລະ ຕ່າງປະເທດຂະຫຍາຍສາຍທ່ອງທ່ຽວສາກົນເຖິງ ດ່າລາດ ກໍ່ຄືບັນດາວິສາຫະກິດສົ່ງອອກສິນຄ້າໄປຂາຍໃຫ້ສິງກາໂປ ແລະ ປະເທດທີ 3, ສົມທົບກັບບັນດາອົງການທີ່ກ່ຽວຂ້ອງເພື່ອໜູນຊ່ວຍການປະຕິບັດກົດລະບຽບເຂົ້າ - ອອກເມືອງຢ່າງສະດວກສະບາຍໃຫ້ແກ່ແຂກທ່ອງທ່ຽວສາກົນ ແລະ ສິນຄ້າຜ່ານສະໜາມບິນ ລຽນເຄືອງ ໂດຍໄວ. ພ້ອມທັງສ້າງເງື່ອນໄຂບຸລິມະສິດ ແລະ ອຳນວຍຄວາມສະດວກໃຫ້ແກ່ບັນດາບໍລິສັດການບິນໄດ້ເຊົ່າຮາກຖານ ພ້ອມກັບນະໂຍບາຍໜູນຊ່ວຍອື່ນໆອີກ. ທ່ານເອກອັກຄະລັດຖະທູດ ຫວຽດນາມ ປະຈຳສິງກາໂປ ເຈີນຫາຍເຮົ້າ ເນັ້ນໜັກວ່າ: ນີ້ແມ່ນຈຸດເວລາສະດວກເພື່ອໃຫ້ບັນດາວິສາຫະກິດ ສິງກາໂປ ຊຸກຍູ້ການຮ່ວມມືກັບແຂວງ ເລີມດົ່ງ. ສະຖານທູດ ຈະໜູນຊ່ວຍຢ່າງສູງສຸດ ແລະ ເຮັດຈົນສຸດຄວາມສາມາດຂອງຕົນເພື່ອຊອກຫາ ແລະ ຊຸກຍູ້ກາລະໂອກາດຮ່ວມມືລະຫວ່າງປະຊາຄົມວິສາຫະກິດ ສິງກາໂປ ຢູ່ ສິງກາໂປ ແລະ ແຂວງ ເລີມດົ່ງອີກດ້ວຍ.