(vovworld) - ວັນທີ 25/03, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ຮອງປະທານສະພາແຂ່ງຂັນຍ້ອງຍໍສູນກາງ ໄດ້ເຂົ້າຮ່ວມກອງປະຊຸມລົງນາມໃນຄຳໝັ້ນສັນຍາແຂ່ງຂັນກຸ່ມ, 5 ແຂວງ, ນະຄອນຂຶ້ນກັບສູນກາງປີ 2014 (ເຊິ່ງລວມມີ: ຮ່າໂນ້ຍ, ນະຄອນໂຮ່ຈິມິນ, ຫາຍຟ່ອງ, ເກີນເທີ ແລະ ດ່ານັ້ງ). ກ່າວຄຳເຫັນຢູ່ນະຄອນຫາຍຟ່ອງ, ທ່ານ ຫງວຽນທ້ຽນເຍີນ ໄດ້ເອົາໃຈໃສ່ວ່າ 5 ນະຄອນຕ້ອງເພີ່ມທະວີການແປງປັນບົດຮຽນ, ບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນະພາບສູງ, ບຳລຸງສ້າງແຫຼ່ງຊັບພະຍາກອນມະນຸດຕາມຄວາມຕ້ອງການຂອງວິສາຫະກິດ, ການນຳໃຊ້ວິທະຍາສາດເຕັກໂນໂລຊີໃນການຜະລິດດຳເນີນທຸລະກິດ, ຕີລາຄາສະມັດຕະພາບແຮງງານໂດຍອີ່ງໃສ່ບັນດາປັດໃຈສັງລວມ. ຄຽງຂ້າງການພັດທະນາເສດຖະກິດ, ຕ້ອງຮັບປະກັນພັດທະນາກ່ຽວກັບສິ່ງແວດລ້ອມ ແລະ ສັງຄົມຢ່າງໝັ້ນຄົງຄື: ນຳໃຊ້ເສດຖະກິດຂຽວໃນການພັດທະນາເສດຖະກິດ, ດຳເນີນທຸລະກິດ, ພ້ອມທັງຮັກສາ, ເສີມຂະຫຍາຍຄຸນຄ່າດ້ານວັດທະນະທຳ, ທ່າແຮງດ້ານວັດທະນະທຳເຂດພາກ; ກໍ່ສ້າງ, ຮັກສາ ແລະ ເສີມຂະຫຍາຍບັນດາຄຸນຄ່າຂອງຄອບຄົວ.