(vovworld) - ວັນທີ 16/02, ທີ່ການຕ້ອນຮັບທ່ານເອກອັກຄະລັດຖະທູດຫວຽດນາມ ປະຈຳມາຣົກ ເຈີນກ໋ວກຖຸຍ, ທ່ານປະທານສະພາຕ່ຳມາຣົກ Habib El Malki ໄດ້ສະແດງນ້ຳໃຈອັນດີງາມ ແລະ ຄວາມປະທັບໃຈຢ່າງເລິກເຊິ່ງກ່ຽວກັບປະເທດຊາດ ແລະ ຊາວຫວຽດນາມ, ຕີລາຄາສູງບັນດາຜົນງານເຊິ່ງຫວຽດນາມ ບັນລຸໄດ້ໃນທຸກຂົງເຂດເສດຖະກິດ, ສັງຄົມ ແລະ ການພົວພັນທາງການທູດ. ທ່ານປະທານ Habib El Malki ສະແດງຄວາມປາດຖະໜາຢາກພັດທະນາການພົວພັນລະຫວ່າງ 2 ປະເທດໃນບັນດາຂົງເຂດຄື: ເສດຖະກິດ, ການຄ້າ, ວັດທະນະທຳ, ມິດຕະພາບກວ່າອີກ. ເນັ້ນໜັກເຖິງການຮ່ວມມືລັດຖະສະພາ, ທ່ານປະທານ Habib El Malki ໃຫ້ຮູ້ວ່າ, ກຸ່ມສະມາຊິກລັດຖະສະພາມິດຕະພາບກັບຫວຽດນາມ ຢູ່ສະພາຕ່ຳມາຣົກ ໄດ້ຮັບການສ້າງຕັ້ງແລ້ວ ແລະ ປາດຖະໜາໃນໄລຍະຈະມາເຖິງ ສະພາແຫ່ງຊາດຫວຽດນາມ ກໍ່ຈະສ້າງຕັ້ງກຸ່ມສະມາຊິກລັດຖະສະພາມິດຕະພາບຫວຽດນາມ - ອາຣົກ ໂດຍໄວ ເພື່ອເພີ່ມທະວີການພົວພັນຮ່ວມມືມິດຕະພາບລະຫວ່າງ 2 ປະເທດໃຫ້ດີຍິ່ງກວ່າອີກ, ແລກປ່ຽນຂໍ້ມູນຂ່າວສານ, ໂຄສະນາພາບພົດຂອງ 2 ປະເທດ. ທ່ານປະທານ Habib El Malki ຢືນຢັນວ່າ, ມາຣົກ ກັບຄືນສູ່ເປັນປະທານສະມາຊິກຂອງສະຫະພາບອາຟະລິກາ ຈະແມ່ນປະຕູເພື່ອໜູນຊ່ວຍຫວຽດນາມ ໃນການພັດທະນາການພົວພັນດ້ານເສດຖະກິດກັບພາກພື້ນອາຟະລິກາ, ໂດຍສະເພາະແມ່ນການສົ່ງອອກເຂົ້າສານ.