(vovworld) - ຕອນບ່າຍວັນທີ 25/4, ຢູ່ນະຄອນຫຼວງ ວຽງຈັນ, ໄດ້ຈັດຕັ້ງພິທີເຊັນຂໍ້ຕົກລົງຮ່ວມມືຜັນຂະຫຍາຍການຄົ້ນຄ້ວາສ້າງບົດລາຍງານຄວາມສາມາດປະຕິບັດການ “ກໍ່ສ້າງສາງເກັບມ້ຽນ ແລະ ລະບົບທໍ່ສົ່ງນຳ້ມັນຈາກ ທ່າກຳ່ປັນ ຮ່ອນລາ (ຫວຽດນາມ) ເຖິງແຂວງ ຄຳມ່ວນ (ລາວ). ບັນດາຝ່າຍໄດ້ເຂົ້າຮ່ວມການເຊັນຂໍ້ຕົກລົງເຊິ່ງລວມມີ: ບໍລິສັດຫຸ້ນສ່ວນ ລາວ Petro, ບໍລິສັດ Ennergy Commodities (ຂອງ Slovakia), ສະຫະສະມາຄົມ ບັນດານັກລົງທຶນ ຫວຽດນາມ ຢູ່ ລາວ (AVIL) ແລະ ບໍລິສັດຫຸ້ນສ່ວນ ກຸ່ມບໍລິສັດ ເຈື່ອງທີ້ງ.
ໂຄງການກໍ່ສ້າງສາງເກັບມ້ຽນ ແລະ ລະບົບທໍ່ສົ່ງນ້ຳມັນ ຈາກທ່າກຳ່ປັນ ຂອງຫວຽດນາມ ເຖິງ ລາວ ແມ່ນໂຄງການສຳຄັນເພື່ອແນໃສ່ຫັນບັນດາຂໍ້ຕົກລົງລະຫວ່າງລັດຖະບານ ຫວຽດນາມ ແລະ ລາວ ໃຫ້ປະກົດຜົນເປັນຈິງ ເພື່ອແນໃສ່ເພີ່ມທະວີການຮ່ວມມືລົງທຶນລະຫວ່າງ 2 ປະເທດ, ພ້ອມທັງຊ່ວຍເຫຼືອລາວ ໃນຄວາມໝັ້ນຄົງດ້ານພະລັງງານ, ປະຢັດຄ່າຂົນສົ່ງນ້ຳມັນອາຍແກັດນຳເຂົ້າ. ໂຄງການເມື່ອນຳເຂົ້າເຄື່ອນໄຫວຈະປະກອບສ່ວນເພີ່ມທະວີການແລກປ່ຽນຄ້າຂາຍ, ຫລຸດຜ່ອນໄລຍະທາງຂົນສົ່ງ, ປະກອບສ່ວນຮັບປະກັນຄວາມເປັນປົກກະຕິ ແລະ ພັດທະນາຂະແໜງພະລັງງານລາວ.