( vovworld ) - ວັນທີ 23/2, ທ່ານຮອງລັດຖະມົນຕີການເງິນຫວຽດນາມ ເຈືອງຈິ່ຈຸງ, ຫົວນະຄະນະຜູ້ແທນຫວຽດນາມ ແລະ ທ່ານປະທານກອງທຶນພັດທະນາກະສິກຳສາກົນ ( IFDA ) Kanayo F.Nwanze ໄດ້ມີການພົບປະຢູ່ນອກກອງປະຊຸມປະຈຳປີຄັ້ງທີ 35 ສະພາຄຸ້ມຄອງກອງທຶນພັດທະນາກະສິກຳສາກົນ ເຊິ່ງດຳເນີນຢູ່ Roma ປະເທດ ອີຕາລີ ໃນເວລາສອງວັນແຕ່ວັນທີ 22 ຫາວັນທີ 23/2. ເລື່ອງຫວຽດນາມ ໄດ້ນຳໃຊ້ແຫຼ່ງກຳລັງ ແລະ ຮູບແບບໂຄງການຂອງ IFDA ຢ່າງມີປະສິດທິຜົນ ແມ່ນໜື່ງໃນບັນດາເນື້ອໃນສຳຄັນເຊິ່ງສອງຝ່າຍເປັນເອກະພາບນຳກັນທີ່ການພົບປະນີ້. ໃນການເຮັດວຽກ, ທ່ານຮອງລັດຖະມົນຕີການເງິນ ເຈືອງຈິ່ຈຸງ ໄດ້ແຈ້ງໃຫ້ທ່ານທ່ານປະທານ Kanayo F.Nwanze ຊາບກ່ຽວກັບບັນດາຜົນງານໃນການພັດທະນາເສດຖະກິດສັງຄົມເຊິ່ງຫວຽດນາມ ບັນລຸໄດ້, ໃນນັ້ນມີການລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ, ດ້ວຍການຊ່ວຍເຫຼືອຂອງກອງທຶນ IFDA ຢ່າງຕັ້ງໜ້າ. ທ່ານຮອງລັດຖະມົນຕີການເງິນ ເຈືອງຈິ່ຈຸງໃຫ້ຮູ້ວ່າ, ໃນໄລຍະທີ່ຈະມາເຖິງ, ຫວຽດນາມຈະມີຂໍ້ສະເໜີແນະຕ່າງໆສົ່ງເຖິງ IFDA ແລະ ປາດຖະໜາວ່າຈະມີການອະນຸມັດຜ່ານຂອງກອງທຶນຢ່າງໄວວາ ເພື່ອບັນດາໂຄງການສາມາດຜັນຂະຫຍາຍໂດຍໄວ. ຫວຽດນາມ ກໍສະເໜີກອງທຶນຄວນມີການປັບປຸງໃຫ້ເໝາະສົມກັບບັນດາປະເທດທີ່ຫາກໍຖືກຈັດເຂົ້າກຸ່ມບັນດາປະເທດມີລາຍຮັບປານກາງ ແລະ ສ້າງເງື່ອນໄຂສະດວກດ້ວຍທຶນກູ້ຢືມເຮັດແນວໃດໃຫ້ແທດເໝາະກັບຂໍ້ກຳນົດລວມ ກໍຄືເງື່ອນໄຂຂອງຫວຽດນາມໃນໄລຍະປະຈຸບັນ.
ທ່ານ Kanayo F.Nwanze ກໍສະແດງຄວາມປາດຖະໜາວ່າ ຫວຽດນາມ ຈະເພີ່ມທະວີການຮ່ວມມືກັບ IFDA ຍິ່ງກວ່າອີກໃນການລົງທຶນກະສິກຳ ແລະ ຊົນນະບົດຢ່າງຍາວນານ, ພ້ອມກັນນັ້ນກໍຢືນຢັນວ່າ ກອງທຶນຈະສືບຕໍ່ສະນັບສະໜູນ ແລະ ລົງທຶນໃຫ້ແກ່ບັນດາໂຄງການພັດທະນາກະສິກຳຢູ່ຫວຽດນາມ.