ວັນທີ 3 ທັນວາ, ກອງທັບ ອິດສະລາແອັນ ໄດ້ອອກຄຳສັ່ງອົບພະຍົບສຳລັບຫຼາຍເຂດຢູ່ທາງໃນ ແລະ ອ້ອມຂ້າງນະຄອນ Khan Younis ເຊິ່ງແມ່ນນະຄອນໃຫຍ່ອັນດັບທີ 2 ຂອງເຂດ ກາຊາ, ໃນສະພາບການປະເທດນີ້ເປີດກວ້າງບັນດາເຫດບຸກໂຈມຕີລົງສູ່ທາງທິດໃຕ້ ຂອງເຂດດິນແດນແຫ່ງນີ້.

ກອງທັບ ອິດສະລາແອັນ ໄດ້ຮຽກຮ້ອງໃຫ້ ຊາວປາແລັດສະຕິນ ເຄື່ອນຍ້າຍໄປຍັງທາງທິດໃຕ້, ໄປຮອດ Rafah ຫຼື ເຂດແຄມທະເລທາງຕິດຕາເວັນຕົກສ່ຽງໃຕ້ ຂອງ ເຂດ ກາຢາ. ເນື້ອໃນຂອງ ໃບປິວ ຊີ້ແຈ້ງວ່າ ນະຄອນ Khan Younis ແມ່ນເຂດສູ້ຮົບທີ່ອັນຕະລາຍ. ບົດລາຍງານຈາກບັນດາຜູ້ສັງເກດການຂອງ ສປຊ ໃຫ້ຮູ້ວ່າ ພື້ນທີ່ທີ່ ຮຽກຮ້ອງປະຊາຊົນຕ້ອງອອກໄປ ຕາມຄຳສັ່ງອົບພະຍົບ ຫຼ້າສຸດຂອງ ອິດສະລາແອນ ກວມເອົາປະມານ 1/4 ດິນແດນຂອງເຂດ ກາຊາ.

ອິດສະລາແອັນ ໄດ້ປະຕິບັດການບຸກໂຈມຕີທາງອາກາດຢ່າງຮ້າຍແຮງ ໃນຕອນຄ່ຳວັນທີ 2 ທັນວາ ແລະ ໃນຕອນເຊົ້າວັນທີ 3 ທັນວາ ຢູ່ເຂດ Khan Younis ແລະ ນະຄອນ Rafah ຢູ່ທາງທິດໃຕ້ຂອງເຂດ ກາຊາ ກໍ່ຄືເຂດທາງທິດເໜືອ ເຊິ່ງແມ່ນ ຈຸດສຸມຂອງບັ້ນບຸກໂຈມຕີທາງອາກາດ ແລະ ທາງບົກຂອງ ອິດສະລາແອັນ. ເຂດ Khan Younis ແລະ ນະຄອນ Rafah ປັດຈຸບັນແມ່ນ ເຂດເຕົ້າໂຮມສາມັນຊົນ ອົບພະຍົບຈາກທາງທິດເໜືອເຂດກາຊາ ນັບແຕ່ເວລາເກີດການປະທະກັນລະຫວ່າງ ອິດສະລາແອັນ ແລະ ຂະບວນການ ອິດສະລາມ ຮາມາດ.