Moldova ຍາມໃດກໍ່ເຄົາລົບການພົວພັນມິດຕະພາບທີ່ເປັນມູນເຊື້ອກັບຫວຽດນາມ
(VOVWORLD) -Moldova ຍາມໃດກໍ່ເຄົາລົບການພົວພັນມິດຕະພາບທີ່ເປັນມູນເຊື້ອກັບຫວຽດນາມ, ນີ້ແມ່ນຄຳຢືນຢັນຂອງທ່ານປະທານາທິບໍດີ Moldova, Igor Dodon ທີ່ການຕ້ອນຮັບທ່ານ ຫງວຽນແອງຕ໋ວນ, ເອກອັກຄະລັດຖະທູດຫວຽດນາມ ປະຈຳຢູແຫຼນ ທັງຮັບຜິດຂອບໜ້າທີ່ການທູດຢູ່ Moldova ເຂົ້າຍືນສານແຕ່ງຕັ້ງ ໃນວັນທີ 18 ພຶດສະພາ, ຢູ່ນະຄອນຫຼວງ Chisinau.
|
 ທ່ານ ຫງວຽນແອງຕ໋ວນ, ເອກອັກຄະລັດຖະທູດຫວຽດນາມ ປະຈຳຢູແຫຼນ ທັງຮັບຜິດຂອບໜ້າທີ່ການທູດຢູ່ Moldova ເຂົ້າຢືນສານແຕ່ງຕັ້ງ
(ພາບ: TTXVN)
|
ທ່ານປະທານາທິບໍດີຊີ້ແຈ້ງວ່າ, Moldova ຍາມໃດກໍ່ຖືເປັນສຳຄັນການເພີ່ມທະວີການພົວພັນກັບຫວຽດນາມ, ເຊິ່ງເປັນຄູ່ຮ່ວມມືທີ່ມີຄວາມສາມາດບົ່ມຊ້ອນຢູ່ພາກພື້ນອາຊີ - ປາຊີຟິກ. ທ່ານປະທານາທິບໍດີ Igor Dodon ໄດ້ເນັ້ນໜັກເປັນພິເສດເຖິງບົດບາດສຳຄັນໃນການຮ່ວມມືໃນຂົງເຂດເສດຖະກິດ, ສາທາລະນະສຸກລະຫວ່າງ 2 ປະເທດ. ໃນຫຼາຍປີຜ່ານມາ, Moldova ໄດ້ຮັບນັກສຶກສາຫວຽດນາມ ຫຼາຍຄົນມາຮ່ຳຮຽນຢູ່ Chisinau ແລະ ຫວັງວ່າ 2 ປະເທດຈະສືບຕໍ່ຮ່ວມມືຢ່າງແຮງໃນຂົງເຂດການສຶກສາໃນໄລຍະຈະມາເຖິງ.
2 ຝ່າຍຢືນຢັນຈະນຳໃຊ້ຄວາມສາມາດບົ່ມຊ້ອນຮ່ວມມືຢ່າງສຸດຂີດທີ່ມີຢູ່ແລ້ວລະຫວ່າງ 2 ປະເທດໃນບັນດາຂົງເຂດການທູດ, ການເມືອງ ແລະ ເສດຖະກິດ, ກໍຄືການຮ່ວມມືໃນບັນດາອົງການຈັດຕັ້ງສາກົນ, ສະຫະປະຊາຊາດ ແລະ ເວທີປາໄສຫຼາຍຝ່າຍ.