 ທ່ານເລຂາທິການໃຫຍ່ ໂຕເລິມ ແລະ ຄະນະຜູ້ແທນຂັ້ນສູງ ຫວຽດນາມ ໃນວາລະພົບປະເຈລະຈາ |
ນະທີ່ນີ້, ການນຳສອງທ່ານໄດ້ເຫັນດີເປັນເອກະພາບຊຸກຍູ້ການຮ່ວມມືໃນຫຼາຍຂົງເຂດ, ພະເສດ ແມ່ນໃນບັນດາຂົງເຂດທີ່ສອງຝ່າຍຕ້ອງຍູ້ແຮງການພັດທະນາໃນໄລຍະຈະມາເຖິງ, ເຊັ່ນ: ເຕັກໂນໂລຢີຂໍ້ມູນຂ່າວສານ, ປ່າໄມ້, ເສດຖະກິດໝູນວຽນ, ຫັນເປັນສີຂຽວ, ການຮ່ວມມືພັດທະນາທະເລແບບຍືນຍົງ, ວິທະຍາສາດ - ເຕັກນິກ... ສອງຝ່າຍເຫັນດີເປັນເອກະສັນຂຸດຄົ້ນສັນຍາການຄ້າເສລີ ຫວຽດນາມ - EU (EVFTA), ສັນຍາອາລັກຂາການລົງທຶນລະຫວ່າງ ຫວຽດນາມ ແລະ ສະຫະພາບເອີຣົບ (EVIPA) ຢ່າງມີປະສິດທິຜົນ.
ສອງຝ່າຍກໍເຫັນດີຍູ້ແຮງການຮ່ວມມືໃນບັນດາຂົງເຂດອື່ນ, ເຊັ່ນ: ການສຶກສາ - ບຳລຸງສ້າງ, ການຮ່ວມມືຂັ້ນທ້ອງຖິ່ນ, ການພົບປະແລກປ່ຽນປະຊາຊົນ. ການນຳສອງທ່ານກໍເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບຢູ່ພາກພື້ນ ແລະ ໃນໂລກ; ສະໜັບສະໜູນຫຼັກໝັ້ນແກ້ໄຂບັນດາຂໍ້ຂັດແຍ້ງກັນໂດຍສັນຕິວິທີ, ບົນພື້ນຖານເຄົາລົບກົດໝາຍສາກົນ, ຄວບຄຸມ ແລະ ຢຸດຕິການປະທະກັນ. ກ່ຽວກັບບັນດາທະເລຕາເວັນອອກ, ສອງຝ່າຍສະໜັບສະໜູນທັດສະນະລວມຂອງ ອາຊຽນ ໃນການແກ້ໄຂບັນດາຄວາມບໍ່ລົງລອຍກັນໂດຍສັນຕິວິທີ, ບົນພື້ນຖານກົດໝາຍສາກົນ.
ເນື່ອງໃນໂອກາດນີ້, ຫວຽດນາມ ແລະ ແຟງລັງ ໄດ້ອອກຖະແຫຼງການຮ່ວມກ່ຽວກັບເລື່ອງສອງຝ່າຍຍົກລະດັບການຳພົວພັນ ຫວຽດນາມ - ແຟງລັງ ຂຶ້ນເປັນຄູ່ຮ່ວມມືຍຸດທະສາດ; ຢັ້ງຢືນບັນດາຫຼັກການ, ວາງອອກບັນດາກຳນົດທິດໃຫຍ່ເພື່ອຍູ້ແຮງ ແລະ ເພີ່ມທະວີການຮ່ວມມື, ພັດທະນາການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດ ຫວຽດນາມ - ແຟງລັງ.
