ຄຳ​ຖະ​ແຫຼງ​ດັ່ງ​ກ່າວ​ໂດຍ IRGC ປະ​ກາດ​ໃນ​ຕອນ​ຄ່ຳ​ວັນ​ທີ 05 ເມ​ສາ, ພາຍ​ຫຼັງ ​ທີ່​​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ Donald Trump ແຈ້ງວ່າ ໄດ້​ຕໍ່​ກຳ​ນົດ​ເວ​ລາ​ຕື່ມ​ອີກ 24 ຊົ່ວ​ໂມງ​ເພື່ອໃຫ້​ ອີ​ຣານ ​ເປີດ​ຊ່ອງ​ແຄບ​ທະ​ເລ Hormuz ຄືນ​ໃໝ່ ພຽງ 2 – 3 ຊົ່ວ​ໂມງ. ໃນ​ສື່​ສັງ​ຄົມ X, ກອ​ງ​ບັນ​ຊາ​ການ​ກອງ​ທັບ​ເຮືອ IRGC ຊີ້​ແຈ້ງວ່າ ຊ່ອງ​ແຄບ​ທະ​ເລ Hormuz ​ຈະບໍ່​ສາ​ມາດ​ກັບ​ຄືນ​ສູ່​​ສະ​ພາບເດີມ​ຢ່າງ​ແນ່ນອນ, ພິ​ເສດ​ແມ່ນ​ສຳ​ລັບ ອາ​ເມ​ລິ​ກາ ແລະ ອິດ​ສະ​ຣາ​ແອັນ. ກອງ​ທັບ​ເຮືອ IRGC ພ​ວມກ​ະ​ກຽມ​ໃຫ້​ແກ່​ການ​ປະ​ກາດແຜນ​ການ​ຂອງ​ອຳ​ນາດ​ການ​ປົກ​ຄອງ ອີ​ຣານ ກ່ຽວ​ກັບ​ຄວາມ​ເປັນ​ລະ​ບຽບ​ຮຽບ​ຮ້ອຍ​ໃໝ່​ຢູ່​ເຂດ​ອ່າວ ເປີ​ເຊ​ຍ.

ການ​ກະ​ທຳ​ດັ່ງ​ກ່າວ​ຂອງ ອີ​ຣານ ເຮັດ​ໃຫ້​ແຫຼງ​ສະ​ໜອງ​ພະ​ລັງ​ງານ​ທົ່ວ​ໂລກ​ເຄັງ​ຕຶງ​ຂຶ້​ນ, ເຮັດ​ໃຫ້​ລາ​ຄາ​ເຊື້ອ​ເພີງ​ເພີ່ມ​ຂຶ້​ນ​ສູງ, ກໍ່​ຄວາມ​ກົດ​ດັນ​ຢ່າງ​ແຮງ​ຕໍ່​ບັນ​ດາ​ພື້ນ​ຖານ​ເສດ​ຖະ​ກິດ​ໃນ​ທົ່ວ​ໂລກ.