 ການພົບປະລະຫວ່າງສອງຝ່າຍ (ພາບ: VOV) |
ທ່ານເລຂາທິການໃຫຍ່ ໂຕເລິມ ປາດຖະໜາຢາກການຮ່ວມມືລະຫວ່າງສອງປະເທດເຂົ້າສູ່ລວງເລິກ ແລະ ແທ້ຈິງ, ສົມກັບເປັນການພົວພັນມິດຕະພາບທີ່ເປັນມູນເຊື້ອອັນດີງາມ, ກໍ່ຄືຄວາມສາມາດບົ່ມຊ້ອນຂອງສອງປະເທດ, ເນັ້ນໜັ້ກເຖິງການຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດແມ່ນພື້ນຖານອັນໝັ້ນແກ່ນເພື່ອເພີ່ມທະວີການພົວພັນສອງຝ່າຍ ຫວຽດນາມ - ອາເຊັກໄບຊານ. ທ່ານເລຂາທິການໃຫຍ່ ປາດຖະໜາຢາກສອງຝ່າຍສືບຕໍ່ເພີ່ມທະວີການຮ່ວມມືດ້ານລັດຖະສະພາ, ປະກອບສ່ວນຢ່າງແທ້ຈິງເຂົ້າໃນການຜັນຂະຫຍາຍບັນດາຂໍ້ຕົກລົງສອງຝ່າຍ.
ສ່ວນທ່ານປະທານສະພາແຫ່ງຊາດ Sahiba Gafarova ໄດ້ສະແດງຄວາມຊົມເຊີນຕໍ່ເລື່ອງສອງປະເທດຮັບຮອງເອົາຖະແຫຼງການຮ່ວມ ກ່ຽວກັບການສ້າງການພົວພັນຄູ່ຮ່ວມມືຍຸດທະສາດ ຫວຽດນາມ - ອາເຊັກໄບຊານ, ມີຄວາມໄວ້ເນື້ອເຊື່ອໃຈຂອງທ່ານເລຂາທິການໃຫຍ່ ຈະສ້າງກຳລັງໜູນໃໝ່, ປະກອບສ່ວນເຮັດໃຫ້ການພົວພັບຄູ່ຮ່ວມມືຍຸດທະສາດ ຫວຽດນາມ - ອາເຊັກໄບຊານ ໃຫ້ຫຼາຍກ່ວາອີກ.
ແລະກໍ່ໃນວັນທີ 8 ພຶດສະພາ, ໃນຂອບເຂດການຢ້ຽມຢາມທາງລັດຖະກິດຢູ່ ອາເຊັກໄບຊານ, ທ່ານເລຂາທິການໃຫຍ່ ໂຕເລິມ, ພັນລະຍາ ທ່ານນາງ ໂງເຟືອງລີ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເຂົ້າຮ່ວມພິທີເປີດຫ້ອງອະນຸສອນສະຖານ ປະທານໂຮ່ຈີມິນ ກັບຂະແໜງນ້ຳມັນອາຍແກັດ ຫວຽດນາມ - ອາເຊັກໄບຊານຢູ່ ມະຫາວິທະຍາໄລ ນ້ຳມັນອາຍແກັດ ແລະ ເຕັກໂນໂລຢີ ແຫ່ງຊາດ ອາເຊັກໄບຊານ.
ກ່າວຄຳເຫັນທີ່ພິທີ, ທ່ານເລຂາທິການໃຫຍ່ ໂຕເລິມ ໄດ້ຢັ້ງຢືນການພົວພັນມິດຕະພາບ ທີ່ເປັນມູນເຊື້ອອັນດີງາມລະຫວ່າງສອງປະເທດ ຫວຽດນາມ ແລະ ອາເຊັກໄບຊານ ທີ່ໄດ້ສ້າງພື້ນຖານນັບແຕ່ການຢ້ຽມຢາມ ອາເຊັກໄບຊານຄັ້ງປະຫວັດສາດຂອງທ່ານປະທານໂຮ່ຈີມິນ ເມື່ອປີ 1959 ເຊິ່ງການນຳລູ້ນຕ່າງໆ ແລະ ປະຊາຊົນສອງປະເທດ ເພີ່ມພູນຄູນສ້າງ.
