ເນື່ອງໃນໂອກາດທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ຮັບຄວາມໄວ້ວາງໃຈເລືອກຕັ້ງດຳລົງຕຳແໜ່ງປະທານປະເທດແຫ່ງ ສສ.ຫວຽດນາມ, ທ່ານ ເລມິນຮຶງ ໄດ້ຮັບການເລືອກຕັ້ງດຳລົງຕຳແໜ່ງນາຍົກລັດຖະມົນຕີແຫ່ງ ສສ.ຫວຽດນາມ, ທ່ານ ເຈິ່ນແທັງເໝີ້ນ ໄດ້ຮັບການເລືອກຕັ້ງດຳລົງຕຳແໜ່ງປະທານສະພາແຫ່ງຊາດ ສສ.ຫວຽດນາມ, ການນຳຫຼາຍປະເທດ, ພັກການເມືອງໄດ້ສົ່ງໂທລະເລກ, ຈົດໝາຍ ແລະ ສານຊົມເຊີຍ.
ທ່ານ Delcy Rodriguez, ປະທານາທິບໍດີຊົ່ວຄາວ ເວເນຊູເອລາ ໄດ້ຊົມເຊີຍເລື່ອງທ່ານເລຂາທິການໃຫຍ່ ໂຕເລິມ ໄດ້ຮັບການເລືອກຕັ້ງດຳລົງຕຳແໜ່ງປະທານປະເທດ ຈາກສະພາແຫ່ງຊາດ; ທ່ານຢືນຢັນຄືນໃໝ່ຄວາມໄວ້ເນື້ອເຊື່ອໃຈຂອງ 2 ປະເທດຈະສືບຕໍ່ພ້ອມກັນກ້າວຂຶ້ນເພື່ອຄວາມຜາສຸກຂອງປະຊາຊົນ, ເພື່ອພາລະກິດສ້າງໂລກໃຫ້ມີຄວາມຍຸຕິທຳ, ຫຼາຍຂົ້ວ, ຫຼາຍໃຈກາງ.
ກະສັດ ບຣູໄນ Haji Hassanal Bolkiah ສະແດງຄວາມຊົມເຊີຍທ່ານ ເລມິນຮຶງ, ນາຍົກລັດຖະມົນຕີ ຫວຽດນາມ ເນື່ອງໃນໂອກາດໄດ້ຮັບການເລືອກຕັ້ງດຳລົງຕຳແໜ່ງນາຍົກລັດຖະມົນຕີ. ກະສັດ ບຣູໄນ ປາດຖະໜາຢາກພ້ອມກັບທ່ານນາຍົກລັດຖະມົນຕີ ເລມິນຮຶງ ສືບຕໍ່ຊຸກຍູ້ການພົວພັນຮ່ວມມືລະຫວ່າງ 2 ປະເທດໃນຂົງເຂດ 2 ຝ່າຍ ກໍຄືໃນຂອບເຂດການຮ່ວມມືຢ່າງແໜ້ນແຟ້ນລະຫວ່າງບັນດາຄູ່ຮ່ວມມື ອາຊຽນ ໃຫ້ຫຼາຍກວ່າອີກ.
ທ່ານ Mikhail Mishustin, ນາຍົກລັດຖະມົນຕີ ສະຫະພັນ ລັດເຊຍ ໄດ້ຊົມເຊີຍທ່ານນາຍົກລັດຖະມົນຕີ ເລມິນຮຶງ ແລະ ເຊື່ອໝັ້ນວ່າ ໃນຖານະຕຳແໜ່ງຜູ້ນຳໜ້າລັດຖະບານ, ທ່ານນາຍົກລັດຖະມົນຕີຈະສືບຕໍ່ເອົາໃຈໃສ່ເພີ່ມທະວີການຮ່ວມມື 2 ຝ່າຍບົນຈິດໃຈເຄົາລົບເຊິ່ງກັນແລະກັນ ແລະ ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ລັດເຊຍ; ທ່ານຢືນຢັນການຖືເປັນສຳຄັນການຊຸກຍູ້ການຮ່ວມມືຢູ່ທຸກຂັ້ນກັບລັດຖະບານ ຫວຽດນາມ ເພື່ອເປີດກວ້າງການຮ່ວມມື 2 ຝ່າຍໃນບັນດາຂົງເຂດຮັບໃຊ້ຜົນປະໂຫຍດຂອງ 2 ປະເທດ.
