 (ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫງວຽນມິນວູ) |
ໂດຍໄດ້ຮັບຄຳເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຈີນ, ປະທານປະເທດ ຈີນ ສີຈິ້ນຜິງ, ທ່ານປະທານປະເທດ ຫວຽດນາມ ເລືອງເກື່ອງ ຈະເຂົ້າຮ່ວມພິທີສະເຫຼີມສະຫຼອງ 80 ປີແຫ່ງວັນໄຊຊະນະ ຟາດຊິດ ຂອງປະຊາຊົນໂລກ ແລະ ເຮັດວຽກຢູ່ ຈີນ ແຕ່ວັນທີ 02 – 04 ກັນຍາ. ເນື່ອງໃນໂອກາດເຫດການສຳຄັນດັ່ງກ່າວ, ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫວຽດນາມ ຫງວຽນມິນວູ ໄດ້ຕອບສຳພາດຕໍ່ສື່ມວນຊົນກ່ຽວກັບຈຸດປະສົງ, ຄວາມໝາຍ ແລະ ຈຸດສຸມຂອງການໄປປະຕິບັດງານຂອງທ່ານປະທານປະເທດ ເລືອງເກື່ອງ.
ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫງວຽນມິນວູ, ໃຫ້ຮູ້ວ່າ:
“ການເຂົ້າຮ່ວມຂອງທ່ານປະທານປະເທດ ເລືອງເກື່ອງ ທີ່ພິທີສະເຫຼີມສະຫຼອງ 80 ປີແຫ່ງວັນໄຊຊະນະ ຟາດຊິດ ຂອງປະຊາຊົນໂລກຢູ່ ຈີນ ຄັ້ງນີ້ ແມ່ນມີຄວາມໝາຍ ແລະ ເປັນສັນຍາລັກຢ່າງເລິກເຊິ່ງ, ສະແດງໃຫ້ເຫັນສຽງເວົ້າ, ຄວາມຮັບຜິດຊອບ ແລະ ສະແດງໃຫ້ຫັນການສະໜັບສະໜູນຂອງ ຫວຽດນາມ ທີ່ມີຕໍ່ຄວາມມານະພະຍາຍາມຂອງປະຊາຊົນໂລກ ເພື່ອສັນຕິພາບ, ເພື່ອຄວາມຍຸຕິທຳຂອງໂລກ”.
