 ຊາວ ປາແລັດສະຕິນ ຍົກຍ້າຍໄປຍັງບ່ອນປອດໄພ, ວັນທີ 12 ພະຈິກ 2024 (ພາບ: REUTERS/Dawoud Abu Alkas) |
ຕອນຄ່ຳວັນທີ 14 ກໍລະກົດ, ກຳລັງປ້ອງກັນຕົວພົນລະເຮືອນ ກາຊາ ໃຫ້ຮູ້ວ່າ ບັນດາການບຸກໂຈມຕີຂອງກອງທັບ ອິດສະຣາແອັນ ເຂົ້າເຂດ ກາຊາ ໃນວັນດຽວກັນ ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍສຸດ 22 ຄົນ, ເຊິ່ງສ່ວນຫຼາຍແມ່ນສາມັນຊົນ, ອັນໄດ້ຍົກຈຳນວນຜູ້ເສຍຊີວິດ ແລະ ມີບາດເຈັບນັບແຕ່ເວລາເລີ່ມເກີດການປະທະກັນເມື່ອວັນທີ 7 ຕຸລາ 2023 ຂຶ້ນກວ່າ 58.000 ຄົນ, ສ່ວນຫຼາຍແມ່ນແມ່ຍິງ ແລະ ເດັກນ້ອຍ.
ກອງທັບ ອິດສະຣາແອັນ ຍັງບໍ່ທັນຍົກອອກຄຳເຫັນໃດກ່ຽວກັບຈຳນວນຜູ້ເສຍຊີວິດໃໝ່ຢູ່ເຂດ ກາຊາ. ເຖິງຢ່າງໃດກໍຕາມ, ຕອນບ່າຍວັນທີ 14 ກໍລະກົດ, ກຳລັງປ້ອງກັນຕົວ ອິດສະຣາແອັນ (IDF) ໄດ້ແຈ້ງໃຫ້ຊາບວ່າ ກອງທັບ ອາກາດ ອິດສະຣາແອັນ ໄດ້ບຸກໂຈມຕີເລັ່ງໃສ່ກວ່າ 100 ເປົ້າໝາຍຢູ່ເຂດ ກາຊາ ພາຍໃນຮອບເວລາ 24 ຊົ່ວໂມງກ່ອນໜ້ານັ້ນ.
ຢູ່ສະໜາມຮົບ ກາຊາ, IDF ຖະແຫຼງວ່າ ໄດ້ບຸກໂຈມຕີລົດຖັງຈຳນວນໜຶ່ງຂອງກອງທັບ ຊີຣີ ຢູ່ແຂວງ Sweida, ທາງທິດໃຕ້ ຊີຣີ ໃນຕອນບ່າຍຂອງວັນດຽວກັນ. ທ່ານ Israel Katz ລັດຖະມົນຕີກະຊວງປ້ອງກັນປະເທດ ອິດສະຣາແອັນ ຢັ້ງຢືນວ່າ ການບຸກໂຈມຕີແມ່ນສານກ່າວເຕືອນ ຝາກເຖິງອຳນາດການປົກຄອງ ຊີຣີ ຢ່າງຈະແຈ້ງວ່າ ອິດສະຣາແອັນ ບໍ່ອະນຸຍາດໃຫ້ທຳຮ້າຍຊາວ Druze ຢູ່ ຊີຣີ.
ນັກຂ່າວ VOV ປະຈໍາ ອີຢິບ
