 ທ່ານ Sergei Lavrov ລັດຖະມົນຕີການຕ່າງປະເທດ ລັດເຊຍ (ພາບ: EPA) |
ວັນທີ 6 ມີນາ, ທ່ານ Sergei Lavrov ລັດຖະມົນຕີການຕ່າງປະເທດ ລັດເຊຍ ປະກາດວ່າ ລັດເຊຍ ພ້ອມແລ້ວທີ່ຈະເຈລະຈາຢ່າງກົງໄປກົງມາ ກ່ຽວກັບການແກ້ໄຂບັນຫາ ຢູແກຼນ, ພ້ອມທັງເນັ້ນໜັກຕ້ອງພິຈາລະນາ, ເຈລະຈາຢ່າງເປີດເຜີຍກ່ຽວກັບທຸກກົກສາຍປາຍເຫດທີ່ພາໄປເຖິງການປະທະກັນ. ທ່ານ ລັດຖະມົນຕີການຕ່າງປະເທດ Sergei Lavrov ຖືວ່າ ສິ່ງສຳຄັນທີ່ສຸດສຳລັບລັດເຊຍແມ່ນຕ້ອງຮັບປະກັນຄວາມໝັ້ນຄົງໃຫ້ແກ່ປະເທດນີ້.
ທ່ານລັດຖະມົນຕີການຕ່າງປະເທດ ລັດເຊຍກໍ່ສະແດງຄວາມຊົມເຊີຍຕໍ່ຫຼັກໝັ້ນຂອງອຳນາດການປົກຄອງ ປະທານາທິບໍດີ ອາເມລິກາ ໃນການແກ້ໄຂການປະທະກັນຢູ່ ຢູແກຼນ, ທ່ານເນັນ້ໜັກວ່າ ເລື່ອງອາເມລິກາ ຢຸດຕິການອຸປະຖຳດ້ານການທະຫານໃຫ້ແກ່ຢູແກຼນ ອາດຈະຊ່ວຍຢຸດຕິການປະທະກັນຢູ່ຢູແກຼນ ໂດຍໄວ.
ສຳລັບບັນຫາຈັດສົ່ງກຳລັງປະຕິບັດການຮັກສາສັນຕິພາບຂອງ EU ໄປຍັງຢູແກຼນ, ທ່ານ ລັດຖະມົນຕີການຕ່າງປະເທດລັດເຊຍ ຖືວ່າສິ່ງນີ້ໝາຍຄວາມວ່າ ບັນດາປະເທດ EU, NATO ໄດ້ເຂົ້າຮ່ວມສົງຄາມຕ້ານລັດເຊຍໂດຍກົງຢ່າງເປັນທາງການ.
