 ທ່ານ Dmitry Peskov ໂຄສົກວັງ Kremlin (ພາບ: TTXVN) |
ວັນທີ 5 ມີນາ, ທ່ານ Dmitry Peskov ໂຄສົກວັງ Kremlin ສະແດງຄວາມຊົມເຊີຍຕໍ່ເລື່ອງທ່ານປະທານາທິບໍດີ ຢູແກຼນ Volodymyr Zelensky ສະແດງຄວາມພ້ອມທີ່ຈະເຈລະຈາສັນຕິພາບ, ແຕ່ເນັ້ນໜັກວ່າ ຄຳສັ່ງຫ້າມໂອ້ລົມເຈລະຈາກັບ ລັດເຊຍຍັງມີຜົນສັກສິດຢູ່ ຢູແກຼນ. ທ່ານ Dmitry Peskov ກໍ່ເຕື້ອງເຖິງຄຳສັ່ງຫ້າມດ້ານນິຕິກຳທີ່ພວມມີຜົນສັກສິດຢູ່ຢູແກຼນ ຕ່ໍກັບການເຈລະຈາກັບ ລັດເຊຍ. ລັດເຊຍໄດ້ຢັ້ງຢືນເປັນຫຼາຍຄັ້ງວ່າ ພ້ອມແລ້ວທີ່ຈະເຈລະຈາ, ແຕ່ຢູແກຼນ ໄດ້ປະກາດຄຳສັ່ງຫ້າມໂອ້ລົມເຈລະຈາກັບລັດເຊຍ ຢູ່ລະດັບກົດໝາຍ. ເດືອນຕຸລາ 2022, ທ່ານປະທານາທິບໍດີ ຢູແກຼນ Volodymyr Zelensky ໄດ້ລົງນາມຄຳສັ່ງຫ້າມທຸກການເຈລະຈາກັບລັດເຊຍຢ່າງເປັນທາງການ. ລັດເຊຍໄດ້ສະແດງທັດສະນະຢ່າງເປັນທາງການວ່າ ນະຄອນຫຼວງ Minsk ຂອງ ເບລາຣຸດ ແມ່ນສະຖານທີ່ເໝາະສົມທີ່ສຸດເພື່ອຈັດການເຈລະຈາ ສາມຝ່າຍ ລະຫວ່າງລັດເຊຍ, ອາເມລິກາ ແລະ ຢູແກຼນ ຕາມຂໍ້ສະເໜີຂອງທ່ານປະທານາທິບໍດີ ເບລາຣຸດ Alexander Lukashenko.
