 ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ກ່າວຄຳເຫັນທີ່ກອງປະຊຸມ (ພາບ: VOV) |
ທີ່ກອງປະຊຸມ, ທ່ານນາຍົກລັດຖະມົນຕີ ຊີ້ແຈ້ງວ່າ ຄວາມໝັ້ນຄົງດ້ານພະລັງງານແຫ່ງຊາດ, ການສະໜອງໄຟຟ້າຢ່າງພຽງພໍເປັນປົກກະຕິ ແມ່ນຄວາມຮຽກຮ້ອງຕ້ອງການທີ່ຈຳເປັນ ແລະ ພັດທະນາເສດຖະກິດ. ແຜນນະໂຍບາຍໃນໄລຍະຈະມາເຖິງ ແມ່ນສຸມໃສ່ພັດທະນາເຕັກໂນໂລຢີສູງ, ຜະລິດຊິບ, ສ້າງບັນດາສູນຂໍ້ມູນໃຫຍ່ແຫ່ງຊາດ, ກໍ່ສ້າງລະບົບເສັ້ນທາງລົດໄຟຄວາມໄວສູງ, ເສັ້ນທາງລົດໄຟໃນຕົວເມືອງ… ດັ່ງນັ້ນ ຄວາມຕ້ອງການນຳໃຊ້ໄຟຟ້າແມ່ນສູງທີ່ສຸດ, ຕ້ອງພັດທະນາບັນດາແຫຼ່ງໄຟຟ້າໂດຍດ່ວນ. ໂດຍຊີ້ແຈ້ງເຖິງເລື່ອງກົມການເມືອງປະກາດໃຊ້ມະຕິເລກທີ 70 ກ່ຽວກັບການຮັບປະກັນຄວາມໝັ້ນຄົງດ້ານພະລັງງານຮອດປີ 2030, ວິໄສທັດຮອດປີ 2045, ທ່ານນາຍົກລັດຖະມົນຕີ ໄດ້ຊີ້ນຳຜັນຂະຫຍາຍບັນດາໂຄງການໄຟຟ້ານິວເຄຼຍ ນິງທ້ວນ 1 ແລະ ນິງທ້ວນ 2 ກັບບັນດາຄູ່ຮ່ວມມືທີ່ເໝາະສົມຢ່າງຮີບດ່ວນ ເພື່ອຮັບປະກັນຜົນປະໂຫຍດສູງສຸດຂອງ ຫວຽດນາມ.
