 ທ່ານນາຍົກລັດຖະມົນຕີ ຟ້າມມິງຈິງ ຕ້ອນຮັບລັດຖະມົນຕີກະຊວງການຄ້າ ກຳປູເຈຍ (ພາບ: VOV) |
ຕອນຄ່ຳວັນທີ 28 ເມສາ ທີ່ ສຳນັກງານລັດຖະບານ, ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານນາງ Cham Nimul, ລັດຖະມົນຕີກະຊວງການຄ້າ ກຳປູເຈຍ ແລະ ບັນດາພະນັກງານຂັ້ນສູງຂອງກະຊວງໃນການຢ້ຽມຢາມ ແລະ ເຮັດວຽກຢູ່ ຫວຽດນາມ. ນະທີ່ນີ້ ທ່ານນາຍົກລັດຖະມົນຕີ ຟ້າມມິງຈິງ ຖືວ່າ: ຂໍ້ຕົກລົງຊຸກຍູ້ດ້ານການຄ້າສອງຝ່າຍ ລະຫວ່າງ ລັດຖະບານ ຫວຽດນາມ ແລະ ລັດຖະບານ ກຳປູເຈຍ ໄລຍະ 2025-2026 ແມ່ນ ເອກະສານດ້ານນິຕິກຳສຳຄັນ, ສ້າງເງື່ອນໄຂສະດວກໃຫ້ແກ່ດ້ານການຄ້າຜ່ານບັນດາບຸລິມະສິດພາສີ, ຂຸດຄົ້ນລັກສະນະເພີ່ມເຕີມຂອງສອງພື້ນຖານເສດຖະກິດ, ເພີ່ມທະວີການເຊື່ອມຕໍ່ລະບົບສະຫນອງ, ສ້າງພື້ນຖານເພື່ອໃຫ້ສອງປະເທດບັນລຸໄດ້ຄາດໝາຍ 20 ຕື້ USD ໃນໄລຍະຈະມາເຖິງໂດຍໄວ.
ທ່ານນາຍົກລັດຖະມົນຕີ ສະເຫນີ ກະຊວງການຄ້າ ອຸດສາຫະກຳສອງປະເທດ ສືບຕໍ່ຫັນບັນດາຂໍ້ຕົກລົງຂັ້ນສູງເປັນລະອຽດ, ຊຸກຍູ້ການເຊື່ອມຕໍ່ສອງພື້ນຖານເສດຖະກິດ, ເຊື່ອມຕໍ່ພື້ນຖານໂຄງລ່າງ, ການຄ້າ, ການລົງທຶນ.
ສ່ວນທ່ານລັດຖະມົນຕີກະຊວງການຄ້າ ກຳປູເຈຍ ນາງ Cham Nimul ຢືນຢັນ: ກະຊວງອຸດສາຫະກຳການຄ້າ ຫວຽດນາມ ແລະ ກະຊວງການຄ້າ ກຳປູເຈຍ ຈະມານະພະຍາຍາມນຳວົງເງິນການຄ້າສອງຝ່າຍບັນລຸ 20 ຕື້ USD ໂດຍໄວ, ປະກອບສ່ວນເຂົ້າໃນການພັດທະນາດ້ານການຄ້າສອງຝ່າຍ, ໃນພາກພື້ນ ອາຊຽນ ແລະ ໃນໂລກ.
