 ການປຶກສາຫາລື (ພາບ: VOV5) |
ຕອນບ່າຍວັນທີ 06 ພຶດສະພາ, ຢູ່ຮ່າໂນ້ຍ, ເມື່ອປຶກສາຫາລືຢູ່ຕາມໜ່ວຍ ກ່ຽວກັບຮ່າງກົດໝາຍວ່າດ້ວຍວິທະຍາສາດ, ເຕັກໂນໂລຢີ ແລະ ນະວັດຕະກຳ, ທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມ ໄດ້ຊີ້ແຈ້ງວ່າ ພັກ, ລັດ, ສະພາແຫ່ງຊາດ ຫວຽດນາມ ໄດ້ໃຫ້ຄວາມເອົາໃຈໃສ່ເປັນພິເສດໃຫ້ບຸລິມະສິດພັດທະນາວິທະຍາສາດເຕັກໂນໂລຢີ. ທ່ານເລຂາທິການໃຫຍ່ ໂຕເລິມ ໄດ້ເຊັນປະກາດໃຊ້ມະຕິສະບັບເລກທີ 57 - NQ/TW ລົງວັນທີ 22 ທັນວາ 2024 ຂອງກົມການເມືອງ ກ່ຽວກັບການບຸກທະລຸພັດທະນາວິທະຍາສາດ, ເຕັກໂນໂລຢີ, ນະວັດຕະກຳ ແລະ ຫັນເປັນດີຈີຕອນແຫ່ງຊາດ. ທ່ານ ເຈິ່ນແທັງເໝິນ ຮຽກຮ້ອງໃຫ້ ກົດໝາຍທີ່ໄດ້ຮັບການປະກາດໃຊ້ຕ້ອງມີລັກສະນະບຸກທະລຸ, ມີປະສິດທິຜົນສູງ. ທ່ານ ເຈິ່ນແທັງເໝິນ ເນັ້ນໜັກວ່າ:
“ອັດຕາລົງທຶນໃຫ້ແກ່ການຄົ້ນຄວ້າພັດທະນາຢູ່ ຫວຽດນາມ ແມ່ນ 0,44% GDP ນັ້ນແມ່ນຕົວເລກຕ່ຳສຸດສຳລັບບັນດາປະເທດໃນພາກພື້ນ. ກຳນົດຈະແຈ້ງນະໂຍບາຍໃຫ້ບຸລິມະສິດດ້ານພາສີອາກອນຢ່າງແຮງ. ສ້າງກົນໄກການເງິນທີ່ມີໄຫວພິບ, ເຮັດແນວໃດເພື່ອລົບລ້າງຮົ້ວກີດຂວາງເພື່ອໃຫ້ບັນດາວິສາຫະກິດລົງທຶນໃນຂົງເຂດວິທະຍາສາດເຕັກໂນໂລຢີພັດທະນາ. ກົດໝາຍຕ້ອງເຮັດແນວໃດເພື່ອເພີ່ມທະວີລະຫວ່າງການຄົ້ນຄວ້າ ແລະ ຕະຫຼາດ. ສົ່ງເສີມກົນໄກສັ່ງຊືິ້ສິນຄ້າວິສາຫະກິດ, ຮັບປະກັນໃຫ້ຫົວຂໍ້ວິທະຍາສາດມີລັກສະນະແທດເໝາະກັບສະພາບການຕົວຈິງ ແລະ ຕິດພັນກັບຄວາມຕ້ອງການຂອງຕະຫຼາດ”.
