ການກະທຳດັ່ງກ່າວ ໄດ້ດຳເນີນພາຍຫຼັງທີ່ທ່ານຮັກສາການປະທານາທິບໍດີ, ນາຍົກລັດຖະມົນຕີ ຄົນເກົ່າ Han Duck – soo ແລະ ທ່ານຮອງນາຍົກລັດຖະມົນຕີ ຜູ້ຮັບຜິດຊອບບັນດາບັນຫາເສດຖະກິດ Choi Sang – mok ລາອອກຈາກຕຳແໜ່ງຕາມລຳດັບໃນຕອນບ່າຍ ແລະ ຕອນຄ່ຳວັນທີ 01 ພຶດສະພາ ເພື່ອຄາດຄະເນດຳເນີນການຫາສຽງເລືອກຕັ້ງໃນການເລືອກຕັ້ງປະທານາທິບໍດີ ວິສາມັນ ໃນວັນທີ 3 ມິຖຸນາ ຈະມາເຖິງ ດັ່ງນັ້ນ, ຕາມກົໝາຍວ່າດ້ວຍການຈັດຕັ້ງລັດຖະບານ ສ.ເກົາຫຼີ, ທ່ານ Lee Joo – ho ຮັບດຳລົງຕຳແໜ່ງເປັນຮັກສາການປະທານາທິບໍດີ.
ຜູ້ຮັກສາການປະທານາທິບໍດີຄົນໃໝ່ຂອງ ສ.ເກົາຫຼີ ໄດ້ອອກຄຳສັ່ງໃຫ້ກອງທັບປະເທດນີ້ຍົກລະດັບຄວາມພ້ອມຮັບມືກັບທຸກກໍລະນີຂຶ້ນເຖິງ “ລະດັບສູງສຸດ” ແລະ ຮຽກຮ້ອງໃຫ້ມີການກະກຽມຢ່າງລອບຄອບຖີ່ຖ້ວນ ເພື່ອຮັບປະກັນການເລືອກຕັ້ງປະທານາທິບໍດີໃນໄລຍະຈະມາເຖິງ ໄດ້ດຳເນີນຢ່າງ “ເປັນລະບຽບຮຽບຮ້ອຍ ແລະ ຍຸຕິທຳ”.
