 ທ່ານປະທານສະພາແຫ່ງຊາດ ເຈິ່ນແທັງເໝິນ ແລະ ຄະນະໄດ້ຕັດແຖບຜ້າເປີດນຳໃຊ້ເຂດອະນຸສາວາລີ (ພາບ: VOV) |
ໃນການເດີນທາງປະຕິບັດງານຢູ່ບັນດາແຂວງ ເຂດທົ່ງພຽງແມ່ນ້ຳຂອງທາງພາກໃຕ້ ແລະ ພາກກາງ, ຕອນເຊົ້າວັນທີ 28 ເມສາ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນໄດ້ເຂົ້າຮ່ວມພິທີເປີດນຳໃຊ້ໂຄງການປະຕິສັງຂອນເຂດອະນຸສາວະລີ ເລຂາທິການໃຫຍ່ ເລຢວນ ຢູ່ຕາແສງ ຈ້ຽວແທັ່ງ, ເມືອງຈ້ຽວຟອງ, ແຂວງ ກ໋ວາງຈິ; ວາງພວງມາລາ, ຖະຫວາຍທູບທຽນ, ສະແດງຄວາມຮູ້ບຸນຄຸນບັນດານັກວິລະຊົນທີ່ເສຍສະຫຼະຊີວິດເພື່ອຊາດຢູ່ເຂດຮ່ອງຮອຍປະຫວັດສາດລະດັບຊາດພິເສດ ກຳແພງເກົ່າ ກ໋ວາງຈິ.
ທີ່ພິທີ, ທ່ານປະທານສະພາແຫ່ງຊາດ ເຈິ່ນແທັງເໝິນ ແລະ ຄະນະໄດ້ຕັດແຖບຜ້າເປີດນຳໃຊ້ເຂດອະນຸສາວາລີ, ຖະຫວາຍທູບທຽນດອກໄມ້ ອາໄລຫາທ່ານອະດີດເລຂາທິການໃຫຍ່ ເລຢວນ. ຂຽນປຶ້ມໄວ້ອາໄລ, ທ່ານປະທານສະພາແຫ່ງຊາດ ເຈິ່ນແທັງເໝິນ ເນັ້ນໜັກວ່າ ທ່ານເລຂາທິການໃຫຍ່ ເລຢວນ ແມ່ນນັກຮົບປະຕິວັດອົງອາດກ້າແກ່ນ, ເປັນການນຳປີຊາສາມາດຂອງການປະຕິວັດ ຫວຽດນາມ, ນັກຮຽນດີເດັ່ນ, ຜູ້ສືບທອດພາລະກິດຫ່ງການປະຕິວັດທີ່ສະຫງ່າອົງອາດ ຂອງປະທານໂຮ່ຈີມິນຜູ້ຍິ່ງໃຫຍ່, ເປັນລູກດີເດັ່ນຂອງເຂດດິນແດນກ໋ວາງຈິ.
