 ພົນທະຫານ ອິດສະຣາແອນ ຢູ່ ບ່ອນເກີດການປະທະກັນກັບບັນດາມືປືນ ຮາມາດ. ພາບ: Reuters |
ຕອນຄ່ຳວັນທີ 12 ກໍລະກົດ, ຕາມສື່ມວນຊົນ ອິດສະຣາແອນແລ້ວ, ເຈົ້າຫນ້າທີ່ຂັ້ນສູງທ່ານຫນຶ່ງຂອງປະເທດນີ້ ໄດ້ຢັ້ງຢືນວ່າ: ທ່ານນາຍົກລັດຖະມົນຕີ Benjamin Netanyahu ຮຽກຮ້ອງຕ້ອງເພີ່ມເຕີມມາດຕາ ກ່ຽວກັບການສ້າງກົນໄກໃຫມ່ ທີ່ສາມາດສະກັດກັ້ນບັນດາມືປືນ ຮາມາດ ກັບຄືນສູ່ບໍລິເວນພາກເຫນືອຂອງເຂດ ກາຊາ. ເຈົ້າຫນ້າທີ່ອິດສະຣາແອນ ຖືວ່າ: ຄຳສະເຫນີດັ່ງກ່າວຂອງ ທ່ານ Netanyahu ແມ່ນໄດ້ວາງອອກສິ່ງທ້າທາຍໃຫມ່ຕໍ່ບັນດານັກເຈລະຈາ, ເຮັດໃຫ້ບັນດາການເຈລະຈາຖືກແກ່ຍາວ, ຊ້ຳບໍ່ໜຳຕົກເຂົ້າສູ່ສະພາບບໍ່ມີທາງອອກ ແລະ ລົ້ມລະລາຍ.
ການເຈລະຈາຮອບໃຫມ່ກ່ຽວກັບຂໍ້ຕົກລົງຢຸດຍິງ ແລະ ການແລກປ່ຽນ ຕົວປະກັນຄັ້ງຕໍ່ໄປ ລະຫວ່າງ ອິດສະຣາແອນ ແລະ ຮາມາດ ໄດ້ເລີ່ມເຄື່ອນໄຫວຢ່າງເປັນທາງການຄືນໃຫມ່ ຢູ່ ໂດຮາ, ກາຕາ ກາຍໂຣ ແລະ ອີຢີບ ໃນກາງອາທິດນີ້ ພາຍໃຕ້ຄວາມໄກ່ເກ່ຍປ່ອງດອງຂອງ ອາເມລິກາ, ອິຢີບ ແລະ ກາຕາ.
