 (ທ່ານປະທານສະພາແຫ່ງຊາດ ເຈິ່ນແທັງເໝີ້ນ ຕ້ອນຮັບທ່ານ Wee Ee Cheong, ຮອງປະທານ, ທັງເປັນຜູ້ອຳນວຍການໃຫຍ່ຝ່າຍບໍລິຫານຂອງກຸ່ມບໍລິສັດທະນາຄານ United Overseas Bank) |
ຕອນເຊົ້າວັນທີ 02 ທັນວາ (ຕາມເວລາທ້ອງຖິ່ນ), ໃນຂອບເຂດການຢ້ຽມຢາມ ສ.ສິງກະໂປ ຢ່າງເປັນທາງການ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ ໄດ້ຕ້ອນຮັບທ່ານ Lee Ark Boon, ຜູ້ອຳນວຍການໃຫຍ່ກຸ່ມບໍລິສັດ Sembcorp Development, ທັງເປັນປະທານສະພາບໍລິຫານ VSIP Group. ທີ່ການຕ້ອນຮັບ, ທ່ານ ເຈິ່ນແທັງເໝີ້ນ ຕີລາຄາສູງກຸ່ມບໍລິສັດ Sembcorp ໄດ້ລົງທຶນ 18 ໂຄງການເຂດອຸດສາຫະກຳ ຫວຽດນາມ - ສິງກະໂປ (VSIP) ຢູ່ 13 ແຂວງ, ນະຄອນ ແລະ ສ້າງວຽກເຮັດງານທຳໃຫ້ແກ່ຜູ້ອອກແຮງງານກວ່າ 300.000 ຄົນຢູ່ ຫວຽດນາມ; ທ່ານປາດຖະໜາວ່າ, ກຸ່ມບໍລິສັດ Sembcorp ສືບຕໍ່ເປີດກວ້າງການຮ່ວມມືຢູ່ ຫວຽດນາມ, ສຸມໃສ່ເຂົ້າບັນດາໂຄງການພັດທະນາພື້ນຖານໂຄງລ່າງເຂດອຸດສາຫະກຳອັດສະລິຍະ, ທັນສະໄໝ, ຍືນຍົງ ແລະ ປະຕິບັດບັນດາໂຄງການພະລັງານສະອາດ.
ທີ່ການຕ້ອນຮັບທ່ານ Wee Ee Cheong, ຮອງປະທານ, ທັງເປັນຜູ້ອຳນວຍການໃຫຍ່ຝ່າຍບໍລິຫານຂອງກຸ່ມບໍລິສັດທະນາຄານ United Overseas Bank (UOB), ທ່ານປະທານສະພາແຫ່ງຊາດ ເຈິ່ນແທັງເໝີ້ນ ເນັ້ນໜັກວ່າ, ຫວຽດນາມ ໃຫ້ບຸລິມະສິດພັດທະນາການເງິນສີຂຽວ, ເຕັກໂນໂລຊີສູງ, ພະລັງງານທົດແທນ, ພະລັງງານສີຂຽວ, ເຊິ່ງແມ່ນບັນດາຂົງເຂດທີ່ ສິງກະໂປ ມີທ່າແຮງ; ທ່ານຢືນຢັນວ່າ, ຍາມໃດ ຫວຽດນາມ ກໍ່ຈະສ້າງເງື່ອນໄຂສະດວກເພື່ອໃຫ້ບັນດາວິສາຫະກິດຕ່າງປະເທດ, ໃນນັ້ນມີທະນາຄານ UOB, ເປີດກວ້າງການເຄື່ອນໄຫວລົງທຶນໃນບັນດາຂົງເຂດດັ່ງກ່າວ.
