ສີສັນລະດູບານໃໝ່ ທັງລອງ ໄດ້ວາດພາບຄືນຜ່ານບັນດາພິທີກຳຢູ່ຄຸ້ມຖະໜົນເມືອງເກົ່າ ຮ່າໂນ້ຍ
(VOVWORLD) - ຢູ່ທ່າມກາງຄຸ້ມຖະໜົນເມືອງເກົ່າ ຮ່າໂນ້ຍ, ພິທີເປີດປະຕູ ໂອການເຈືອງ ໃນຕອນເຊົ້າວັນທີ 08 ກຸມພາ ໄດ້ວາດພາຍຄືນ ດ້ວຍບັນດາພິທີກຳທີ່ເປັນມູນເຊື້ອ, ຂະບວນແຫ່ ແລະ ສີສັນວັດທະນະທຳທີ່ເປັນເອກະລັກສະເພາະຢ່າງສົມກຽດ. ເຫດການໄດ້ເປີດສາກຕ້ອນຮັບລະດູບານໃໝ່ ທັງລອງ, ພ້ອມທັງກ່າວຢ້ຳເຖິງລວງເລິກທາງດ້ານວັດທະນະທຳ, ຈິດສຳນຶກ ແລະ ສີສັນວັດທະນະທຳ ພະລາດຊະວັງ ທັງລອງ.
 |
| ແຕ່ຮຸ່ງເຊົ້າ, ໃນສະພາບອາກາດຝົນຝອຍທີ່ເປັນເອກະລັກຂອງລະດູບານໃໝ່, ຢູ່ເຂດ ໂອກວານເຈືອງ ໄດ້ດຶງດູດປະຊາຊົນ ແລະ ແຂກທ່ອງທ່ຽວຈຳນວນຫຼາຍມາຕິດຕາມຮັບຊົມພິທີ ເປີດປະຕູ ໂອກວານເຈື່ອງ. ນີ້ແມ່ນພິທີເລີ່ມຕົ້ນພິທີກຳຕ່າງໆຂອງລາຍການ “ເຕັດຫວຽດ - ເຕັດຄຸ້ມຖະໜົນເມືອງເກົ່າ”, ວາດພາບຄືນຮີດຄອງປະເພນີຕ້ອນຮັບລະດູບານໃໝ່ທີ່ເປັນມູນເຊື້ອຂອງຊາວ ຮ່າໂນ້ຍ ສະໄໝແຕ່ກີ້. |
 |
| ຮູບພາບປະຕູ ໂອກວານເຈືອງ ແມ່ນຮ່ອງຮອຍຫາຍາກທີ່ຍັງເຫຼືອໄວ້ຂອງພະລາດຊະວັງ ທັງລອງ. ການເປີດປະຕ ູໂອກວານເຈືອງ ມີຄວາມໝາຍເປັນສັນຍາລັກ, ສະແດງໃຫ້ແກ່ການຕ້ອນຮັບລະດູບານໃໝ່; ພ້ອມດຽວກັນນັ້ນ, ກໍທົບທວນຄືນບັນດາຄຸນຄ່າປະຫວັດສາດ ແລະ ວັດທະນະທຳຂອງພະລາດຊະວັງ ທັງລອງ ແຕ່ກີ້ແຕ່ກ່ອນ. |
 |
| ຂະບວນແຫ່ປະເພນີໄປຜ່ານ ໂອກວານເຈືອງ ວາດພາບຄືນຮູບພາບຄະນະຈັດພິທີກຳເດີນເຂົ້າພະລາດຊະວັງ ທັງລອງ ໃນເມື່ອກ່ອນ. |
 |
| ພວກນ້ອງອະນຸຊົນເຍົາວະຊົນໃນຊຸດອາພອນທີ່ເປັນມູນເຊື້ອແກ່ເອົາບັນດາໂຕມ້າທີ່ເຮັດດ້ວຍໄມ້ - ຮູບແບບເຄື່ອງລະຫຼີ້ນທີ່ຄຸ້ນເຄີຍຂອງຊາວ ຮ່າໂນ້ຍ ນັບແຕ່ຕົ້ນສະຕະວັດທີ XX. ຮູບພາບດັ່ງກ່າວ ໄດ້ຢ້ຳຄະນຶງເຖິງຄວາມຊົງຈຳຂອງຄາວເຍົາໄວທີ່ລຽບງ່າຍ, ສະແດງໃຫ້ເຫັນການສືບທອດວັດທະນະທຳທີ່ເປັນມູນເຊື້ອຜ່ານລຸ້ນຕ່າງໆ. |
 |
| ຈຸດພິເສດຂອງລາຍການແມ່ນຂະບວນແຫ່ດອກໄມ້ເຜີຍແຜ່ຂ່າວລະດູບານໃໝ່ດ້ວຍການເຂົ້າຮ່ວມຂອງມ້າເຖິກ 15 ໂຕ. |
 |
| ບັນດາສະມາຊິກໃນຊຸດອາພອນທີ່ເປັນມູນເຊື້ອໄດ້ສະແດງເຕັກນິກບັນຊາມ້າ, ນຳມາເຊິ່ງຄວາມຈັບໃຈໃຫ້ແກ່ປະຊາຊົນ ແລະ ແຂກທ່ອງທ່ຽວ. |
 |
| ໃນເຂດມໍລະດົກທີ່ເຂັ້ມຂຸ້ນໄປດ້ວຍຮ່ອງຮອຍປະຫວັດສາດ, ຂະບວນແຫ່ກັບທຸງງານບຸນ, ຊຸດອາພອນທີ່ເປັນມູນເຊື້ອ ແລະ ບົດເພງທຳພິທີຢ່າງເຄັ່ງຂຶມ ໄດ້ສະແດງໃຫ້ເຫັນຈຸດວັດທະນະທຳທີ່ເປັນເອກະລັກຂອງພິທີ, ເລີ່ມຕົ້ນວິວັດການແຜ່ກະຈາຍສີສັນລະດູບານໃໝ່ເຂົ້າຄຸ້ມຖະໜົນເມືອງເກົ່າ ຮ່າໂນ້ຍ. |
 |
| ບັນຍາກາດຂອງງານບຸນລະດູບານໃໝ່ມີຄວາມຄຶກຄື້ນຂຶ້ນຕື່ມ ດ້ວຍວາດຟ້ອນທີ່ເປັນມູນເຊື້ອ. |
 |
| ສຽງຄ້ອງ, ສຽງກອງປະສົມປະສານກັບສີສັນຂອງງານບຸນ ອັນໄດ້ສ້າງເປັນພາບບັນຍາກາດລະດູບານໃໝ່ທີ່ມີຊີວິດຊີວາ. |
 |
| ບັນດາເພື່ອນໜຸ່ມນຸ່ງຊຸດຍ້ອນຍຸກເຂົ້າຮ່ວມຂະບວນຍ່າງໃນທ່າທີທີ່ເຄັ່ງຂຶມ, ສຸພາບ ເມື່ອໄປຜ່ານຄຸ້ມຖະໜົນເກົ່າສາຍຕ່າງໆ. |
 |
| ສີສັນຂອງຊຸດຍ້ອນຍຸກ, ທຸງງານບຸນ ແລະ ບົດເພງທຳພິທີນັ້ນ ໄດ້ວາດພາບຄືນບັນຍາກາດຂອງລະດູບານໃໝ່ແບບດັ້ງເດີມໃນແຕ່ລະແຈທຸກມູມຄຸ້ມຖະໜົນເມືອງເກົ່າ. |
 |
| ປະຊາຊົນ ແລະ ແຂກທ່ອງທ່ຽວເຊື່ອມຕົວເຂົ້າກັບບັນດາກິດຈະກຳວັດທະນະທຳທີ່ເປັນມູນເຊື້ອຍາມຕົ້ນລະດູບານໃໝ່. |
 |
| ບັນດາບາດກ້າວເດີນຕາມຈັງຫວະພ້ອມກັບຊຸດອາພອນພື້ນເມືອງ ໄດ້ວາດພາບຄືນສີສັນຂອງບຸນເຕັດແບບດັ້ງເດີມ; ພ້ອມທັງ, ແຜ່ກະຈາຍຈຸດຄວາມງາມທາງດ້ານວັດທະນະທຳ ທັງລອງ. |
 |
| ຂະບວນແຫ່ພວມເດີນເຂົ້າເດີ່ນສາລາບ້ານ ກິມເງິນ ພາຍຫຼັງຍ່າງອ້ອມຖະໜົນສາຍຕ່າງໆໃນຄຸ້ມຖະໜົນເກົ່າ. |
 |
| ຈຸດເວລາຄະນະງານບຸນເຕົ້າໂຮມກັນຢູ່ເຂດຮ່ອງຮອຍປະຫວັດສາດໄດ້ສ້າງເປັນພາບວັດທະນະທຳທີ່ມີຊີວິດຊີວາ, ຜູກພັນອາດີດຕະການກັບປັດຈຸບັນ ໃນບັນຍາກາດງານບຸນຕົ້ນລະດູບານໃໝ່. |
 |
| ພິທີ ກາວອຽດ (ໝາຍຄວາມວ່າລາຍງານ) ໂດຍມີການເຂົ້າຮ່ວມຂອງຜູ້ອາວຸໂສ, ຄະນະໄຫວ້ບູຊາ ພ້ອມດ້ວຍປະຊາຊົນ ແລະ ແຂກທ່ອງທ່ຽວຈຳນວນຫຼາຍ. |
 |
| ຄະນະໄຫວ້ບູຊານຸ່ງຊຸດອາພອນພື້ນເມືອງ ປະຕິບັດບັນດາພິທີກຳຖະຫວາຍທູບທຽນ, ກ່າວບົດອວຍພອນ ແລະ ດຳເນີນບັນດາຂັ້ນຕອນທີ່ຖືກຕ້ອງຕາມປະເພນີ, ສະແດງຄວາມຮູ້ບຸນຄຸນ, ຄວາມເຄົາລົບນັບຖືຕໍ່ເຈົ້າ ຮວ່າງ - ເຊິ່ງເປັນເຈົ້າທີ່ໄດ້ຮັບການເຊີດຊູວ່າ ເປັນຜູ້ມີຄຸນງາມຄວາມດີຕໍ່ການປົກປັກຮັກສາ, ອຸປະຖຳຄ້ຳຊູ ແລະ ຜູກພັນວົງຄະນະຍາດຊຸມຊົນ. |
 |
| ນັກສິລະປິນຂຽນຕົວໜັງສືຫວຽດເດີມ ແຖວໜັງສື “ປະສົບຜົນສຳເລັດ” ເພື່ອແຂວນໃສ່ຕົ້ນກະຖິນໃນວັນບຸນເຕັດ. |
 |
| ພິທີກຳຕັ້ງຕົ້ນກະຖິ່ນ ດ້ວຍຄວາມປາດຖະໜາຂໍໃຫ້ມີຄວາມສະຫງົບສຸກ, ໂຊກດີ ແລະ ຂັບໄລ່ສິ່ງທີ່ບໍ່ດີບໍ່ຈົບບໍ່ງາມໃນປີໃໝ່ |
 |
| ການເຄື່ອນໄຫວນີ້ ຊ່ວຍໃຫ້ມະຫາຊົນ, ພິເສດແມ່ນຄົນລຸ້ນໜຸ່ມ ມີຄວາມເຂົ້າໃຈແຈ້ງກວ່າກ່ຽວກັບຄວາມໝາຍດ້ານວັດທະນະທຳ ແລະ ການເຫຼື້ອມໃສໃນການດຳລົງຊີວິດຂອງຄົນ ຫວຽດ. |
 |
| ບັນດານັກສິລະປິນຕາແສງ ຊວານ ຝູເຖາະ ສະແດງການຂັບ ຊວານ ຢູ່ປະຕູເຂົ້າສາລະບ້ານ ກິມເງິນ ໃນລາຍການດຳເນີນຊີວິດວັດທະນະທຳບຸນປີໃໝ່. |
 |
| ລາຍການຂັບ ຊວານ ວາດພາບຄືນພິທີກຳຂໍໃຫ້ລະດູການເກັບກ່ຽວໄດ້ຮັບຜົນດີ ແລະ ຂໍພອນໄຊສີສຸກຍາມຕົ້ນປີ. |