ການາດາໜູນຊ່ວຍຈຳນວນເງິນ15ລ້ານUSDຊ່ວຍວິສາຫະກິດຫວຽດນາມເພື່ອຫລຸດຜ່ອນການປ່ອຍອາຍແກັດເຮືອນແກ້ວ ວັນຈັນ ທີ 5 ກັນຍາ ຄ.ສ. 2016 | 17:27:27 ທ່ານ Stephan Dion ແລະ ທ່ານ ເຈີ່ນຮົ່ງຮ່າ (ພາບ: baotainguyenmoitruong.vn) (vovworld) – ວັນທີ 5/9, ໃນການເຮັດວຽກກັບທ່ານລັດຖະມົນຕີ ເຈີ່ນຮົ່ງຮ່າ ທີ່ສຳນັກງານກະຊວງຊັບພະຍາກອນ ແລະ ສິ່ງແວດລ້ອມ, ທ່ານ Stephan Dion, ລັດຖະມົນຕີການຕ່າງປະເທດ ການາດາ ໃຫ້ຮູ້ວ່າ: ການາດາ ຈະໜູນຊ່ວຍຈຳນວນເງິນ 15 ລ້ານ USD ຊ່ວຍໃຫ້ວິສາຫະກິດຂະໜາດກາງ ແລະ ໜ້ອຍຂອງ ຫວຽດນາມ ທີ່ມີຫົວຄິດປະດິດສ້າງໃນການປ່ຽນໃໝ່, ກໍ່ຄືເຕັກໂນໂລຢີເພື່ອຫລຸດຜ່ອນອາຍແກັດເຮືອນແກ້ວ. ທ່ານລັດຖະມົນຕີກະຊວງການຕ່າງປະເທດ Stephan Dion ຖືວ່າ: ຫວຽດນາມ ພວມຕ້ອງປະເຊີນໜ້າກັບສິ່ງທ້າທາຍຫຼາຍຢ່າງກ່ຽວກັບການປ່ຽນແປງຂອງດິນຟ້າອາກາດ ແລະ ຫວັງວ່າ ການາດາ ອາດຈະໜູນຊ່ວຍ ຫວຽດນາມ ແກ້ໄຂບັນດາສິ່ງທ້າທາຍນີ້. ສ່ວນທ່ານລັດຖະມົນຕີ ເຈີ່ນຮົ່ງຮ່າ ສະເໜີໃຫ້ ການາດາ ສືບຕໍ່ເຂົ້າຮ່ວມລາຍການໜູນຊ່ວຍຮັບມືກັບການປ່ຽນແປງຂອງດິນຟ້າອາກາດ ຢູ່ ຫວຽດນາມ ໄລຍະ 2016 – 2020, ໜູນຊ່ວຍ ຫວຽດນາມ ປະຕິບັດໂຄງການຄາດຄະເນປະກອບສ່ວນໃຫ້ປະເທດຊາດຕັດສິນໃຈດ້ວຍຕົນເອງ ແລະ ຜັນຂະຫຍາຍການປະຕິບັດຂໍ້ຕົກລົງ ປາຣີ, ບຸລິມະສິດບັນດາວິທີການຫລຸດຜ່ອນສິ່ງເສດເຫຼືອ, ຄວບຄຸມສິ່ງເສດເຫຼືອ. Tag vovworld ເຕັກໂນໂລຢີ ຂ່າວ/ບົດອື່ນ ການປະທະກັນ ຮາມາດສ - ອິດສະລາແອັນ: ບໍ່ມີຄວາມຄືບໜ້າໃໝ່ໃນການເຈລະຈາຂໍ້ຕົກລົງຢຸດຍິງ ສປປ.ເກົາຫຼີ ມີຄວາມວິຕົກກັງວົນຕໍ່ການຊ້ອມຮົບຮ່ວມຂອງ ອາເມລິກາ - ຍີ່ປຸ່ນ - ສ.ເກົາຫຼີ ສະຫະພັນ ອາຣັບ ໄດ້ນຳ Hezbollah ອອກຈາກບັນຊີລາຍຊື່ ການກໍ່ການຮ້າຍ ຈີນ ຍົກອອກແນວຄິດແກ້ໄຂບັນຫາແຫຼມເກົາຫຼີ
ການປະທະກັນ ຮາມາດສ - ອິດສະລາແອັນ: ບໍ່ມີຄວາມຄືບໜ້າໃໝ່ໃນການເຈລະຈາຂໍ້ຕົກລົງຢຸດຍິງ
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພົບປະກັບທ່ານສີຈິ້ນຜິງ ເລຂາທິການໃຫຍ່, ປະທານປະເທດຈີນ
ນຳສົ່ງອັດຖິບັນດານັກຮົບວິລະຊົນເສຍສະຫຼະຊີວິດເພື່ອຊາດຢູ່ ພາກເໜືອລາວ ກັບເມືອ ຫວຽດນາມ
ສະເຫຼີມສະຫຼອງ 30 ປີແຫ່ງວັນມູນເຊື້ອກອງຄົ້ນຫາ, ທ້ອນໂຮມອັດຖິທະຫານເສຍສະຫຼະຊີວິດເພື່ອຊາດ ທະຫານເຂດ 2 ຢູ່ລາວ
ສະມາຄົມອາຊີບຫາປາ ຫວຽດນາມ ຄັດຄ້ານຕໍ່ເລື່ອງ ຈີນ ຫ້າມຫາປາຢູ່ທະເລຕາເວັນອອກປີ 2022 ຕາມລຳພັງໃຈ
ງານວາງສະແດງຫົວຂໍ້ “ຮ່ວາງຊາ, ເຈື່ອງຊາ ແມ່ນຂອງ ຫວຽດນາມ - ບັນດາພະຍານຫຼັກຖານປະຫວັດສາດ ແລະ ນິຕິທຳ” ຢູ່ແຂວງ ບັກຢາງ