ບໍລິສັດ ອ໋ຽນສ່າວແຄ໋ງຮ່ວາ ໄດ້ປ່ອຍປາພັນ 10.000 ກວ່າໂຕ ລົງເຂດທະເລ, ທີ່ຂຶ້ນກັບເກາະ ແອ່ນ ດົງຕ່ຳ ຂອງອ່າວ ຍາຈາງ. ການເຄື່ອນໄຫວດັ່ງກ່າວບໍ່ພຽງແຕ່ສ້າງແຫຼ່ງສິນໃນນ້ຳຕື່ມອີກ ຫາກຍັງປະກອບສ່ວນໂຄສະນາ, ຍົກສູງຄວາມຮັບຮູ້ຂອງປະຊາຊົນ ແລະ ນັກທ່ອງທ່ຽວໃນວຽກງານປົກປັກຮັກສາສິ່ງແວດລ້ອມທະເລເຂດອ່າວ ຍາຈາງ.

        ທີ່ງານບຸນກາເຟ ເມຈາງ, ດ້ວຍຫົວຂໍ້ວ່າ “ມະຫາສະມຸດຂຽວ - ກາເຟສະອາດ”, ບໍລິສັດຫຸ້ນສ່ວນກາເຟ ເມຈາງ ໄດ້ມອບທຶນການສຶກສາ 20 ກວ່າທຶນ, ແຕ່ລະທຶນມີມູນຄ່າ 2 ລ້ານດົ່ງ ໃຫ້ນັກຮຽນເກັ່ງເຊິ່ງແມ່ນລູກຫຼານຊາວປະມົງຢູ່ນະຄອນຍາຈາງ; ມອບລົດຖີບ 15 ຄັນໃຫ້ນັກຮຽນທຸກຍາກແຕ່ຜ່ານຜ່າຄວາມຫຍຸ້ງຍາກໄດ້ຢູ່ຕາແສງ ຮ່ວາດົ່ງ, ເມືອງ ໄຕຮ່ວາ, ຂຶ້ນກັບແຂວງ ຟຸ໋ອຽນ, ເພື່ອຊ່ວຍໃຫ້ພວກນ້ອງມີເງື່ອນໄຂດີກວ່າໃນສົກຮຽນໃໝ່ທີ່ຈະມາເຖິງນີ້.