(VOVWORLD) - ໃນ 24 ຊົ່ວໂມງຜ່ານມາ, ທົ່ວໂລກຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ຕື່ມອີກ 1.931.184 ຄົນ, ໃນນັ້ນ ອາເມລິກາ ແມ່ນປະເທດມີຈຳນວນຜູ້ຕິດເຊື້ອໃໝ່ສູງທີ່ສຸດ ດ້ວຍ 287.973 ຄົນ, ຖັດຈາກນັ້ນແມ່ນ ຝລັ່ງ, ອິນເດຍ.
 ປະຊາຊົນ ຊາວ ເຢຍລະມັນ ລຽນແຖວຖ້າກວດຫາເຊື້ອໄວຣັດ (ພາບ: THX/ TTXVN) |
ວັນທີ 17 ມັງກອນ, ຫວຽດນາມ ກວດພົບຜູ້ຕິດເຊື້ອພະຍາດໂຄວິດ-19 ລາຍໃໝ່ຕື່ມອີກ 16.378 ຄົນ ຢູ່ 62 ແຂວງ, ນະຄອນ. ຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນ 20.172 ຄົນ ແລະ ມີ 179 ຄົນເສຍຊີວິດ.
ສ່ວນຢູ່ໃນໂລກ, ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1h30 ຕອນເຊົ້າວັນທີ 17 ມັງກອນ (ຕາມເວລາ UTC), ໃນໂລກມີຜູ້ຕິດເຊື້ອພະຍາດໂຄວິດ - 19 ລວມທັງໝົດກວ່າ 328,66 ລ້ານຄົນ ແລະ ມີ ຜູ້ເສຍຊີວິດກວ່າ 5.5 ລ້ານຄົນ.
ໃນ 24 ຊົ່ວໂມງຜ່ານມາ, ທົ່ວໂລກຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ຕື່ມອີກ 1.931.184 ຄົນ, ໃນນັ້ນ ອາເມລິກາ ແມ່ນປະເທດມີຈຳນວນຜູ້ຕິດເຊື້ອໃໝ່ສູງທີ່ສຸດ ດ້ວຍ 287.973 ຄົນ, ຖັດຈາກນັ້ນແມ່ນ ຝລັ່ງ, ອິນເດຍ. ວົງການນັກຊ່ຽວຊ່ານຖືວ່າ ການແຜ່ລະບາດຂອງເຊື້ອພະຍາດໂຄວິດ - 19 ໃນໂລກໃນປັດຈຸບັນ ສ່ວນຫຼາຍແມ່ນຍ້ອນການແຜ່ລາມຂອງເຊື້ອໄວຣັດກາຍພັນ Omicron. ອາເມລິກາ, ອິນເດຍ, ບຣາຊິນ, ອັງກິດ... ປັດຈຸບັນແມ່ນບັນດາປະເທດຖືກຜົນກະທົບຢ່າງໜັກໜ່ວງຈາກໂລກລະບາດດັ່ງກ່າວ.