ຂະແໜງໄອຍະການ ຍົກສູງຄຸນນະພາບ ສັ່ງຟ້ອງ, ຕໍ່ສູ້ສະກັດກັ້ນ ອາດຊະຍາກຳໃນທັນທີ
ທ່ານປະທານປະເທດ ເຈືອງເຕີນຊາງ
ເຮັດວຽກກັບອົງການໄອຍະການປະຊາຊົນສູງສຸດ
(ພາບ: hanoimoi.com.vn)
(vovworld) – ຕອນເຊົ້າວັນທີ 24/12, ຢູ່ ຮ່າໂນ້ຍ, ທ່ານປະທານປະເທດ ເຈືອງເຕີນຊາງ ມີການເຮັດວຽກກັບອົງການໄອຍະການປະຊາຊົນສູງສຸດກ່ຽວກັບແຜນການຜັນຂະຫຍາຍວຽກງານໃນປີ 2014.
ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ: ໜຶ່ງໃນບັນດາປັດໄຈສຳຄັນທີ່ສຸດຂອງຂະແໜງໄອຍະການແມ່ນບໍ່ປະໃຫ້ເກີດການພິພາກສາຢ່າງຜິດພາດ. ພິເສດ, ຕ້ອງຮັບປະກັນຖືກກັບເວລາ, ພິພາກສາຖືກຕ້ອງຕາມກົດໝາຍສຳລັບບັນດາຄະດີເສດຖະກິດ, ສໍ້ລາດບັງຫຼວງ, ບໍ່ໄດ້ແກ່ຍາວເວລາ ເຮັດໃຫ້ຄວາມເຊື່ອໝັ້ນຂອງປະຊາຊົນຫຼຸດລົງ.
“ກ່ຽວກັບຄະດີກ່ຽວຂ້ອງເຖິງເສດຖະກິດ, ສໍ້ລາດບັງຫຼວງ, ໄປຄຽງຂ້າງກັບບັນດາໝາກຜົນເປັນໜ້າຍ້ອງຍໍ ຍັງມີຄະດີຖືກແກ່ຍາວ, ບໍ່ທັນເຄັ້ມງວດ. ດັ່ງນັ້ນ, ສຳຄັນທີ່ສຸດແມ່ນຕ້ອງເຮັດແນວໃດແກ້ໄຂເພື່ອສຶກສາໃຫ້ຫຼາຍຄົນ. ບັນດາພະນັກງານໄອຍະການຕ້ອງເພື່ອປະຊາຊົນເດັດດຽວປະຕິບັດຖືກກັບບົດບາດໜ້າທີ່”
ທ່ານປະທານປະເທດ ເຈືອງເຕີນຊາງ ກໍ່ຖືວ່າ: ຂະແໜງໄອຍະການກໍ່ຄືບັນດາອົງການຕຸລາການຈາກພຶດຕິກຳຕົວຈິງໃນວຽກງານຂອງຕົນຕ້ອງເປັນເສນາທິການສະເໜີບັນດາມາດຕະການໃຫ້ແກ່ພັກ, ລັດບັນດາກົນໄກ, ນະໂຍບາຍປັບປຸງໃຫ້ເໝາະສົມເພື່ອແນໃສ່ສ້າງສັງຄົມໃຫ້ໂປ່ງໃສ, ເປີດເຜີຍ, ປະຊາທິປະໄຕ. ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ ປີ 2014 ແມ່ນປີເລີ່ມປະຕິບັດລັດຖະທຳມະນູນສະບັບປັບປຸງ, ດັ່ງນັ້ນຂະແໜງໄອຍະການຄວນມີການສະຫລຸບພຶດຕິກຳຕົວຈິງ ເພື່ອຫັນບັນດາແຜນຮ່າງ, ຮ່າງກົດໝາຍສະບັບປັບປຸງເປັນລະບຽບກົດໝາຍ ເພື່ອເຮັດໃຫ້ເມື່ອປະກາດໃຊ້ມັນຈະເໝາະສົມກັບຊີວິດ ແລະ ຈຸດໝາຍກໍ່ສ້າງລັດແຫ່ງອຳນາດນິຕິບັນຍັດ ສັງຄົມນິຍົມ.