ພາບປະກອບ: TTXVN

ໃນຂະນະທີ່ອາເມລິກາ ແລະ ບາງປະເທດເອີລົບຮັບຮູ້ວ່າ ມີສັນຍານທີ່ຕັ້ງໜ້າຈຳນວນໜຶ່ງແຕ່ ຫຼາຍປະເທດ ເປັນຕົ້ນແມ່ນພາກພື້ນອາຊີຕາເວັນອອກສ່ຽງເໜືອ, ພັດຮູ້ສຶກວິຕົກກັງວົນກ່ຽວກັບການແຜ່ລະບາດ ຄັ້ງທີ 2 ໃນວົງກ້ວາງ ເມື່ອກວດພົບຜູ້ຕິດເຊື້ອໃໝ່ຕື່ມອີກ ພາຍຫຼັງ ຜ່ອນຄາຍການຈຳກັດ.

ໃນວັນທີ 15ມິຖຸນາ, ຈີນໄດ້ປິດລ້ອມ ຕື່ມອີກ 10 ເຂດຢູ່ນະຄອນຫຼວງ ປັກກິ່ງ ເພື່ອແນໃສ່ຄວບຄຸມການແຜ່ລະບາດຂອງໂລກລະບາດ Covid – 19, ພາຍຫຼັງກວດພົບສະຖານທີ່ແຜ່ລະບາດແຫ່ງໃໝ່ຢູ່ຕະຫຼາດສະບຽງອາຫານແຫ່ງທີສອງ ຢູ່ນະຄອນນີ້.

ໃນວັນດຽວກັນ, ທ່ານນາຍົກລັດຖະມົນຕີ ຍີ່ປຸ່ນ Abe Shinzo  ໄດ້ກ່າວເຕືອນຄວາມສ່ຽງແຜ່ລະບາດໂລກລະບາດ ຄືນໃໝ່ຢູ່ປະເທດນີ້ ໃນສະພາບການຈຳນວນຜູ້ຕິດເຊື້ອໃໝ່ຢູ່ນະຄອນ ໂຕກຽວ ເພີ່ມຂຶ້ນຢ່າງກະໂດດຂັ້ນໃນຊຸມວັນທີ່ຜ່ານມາ.

ສ່ວນປະເທດ ສ.ເກົາຫຼີ, ຕາມການຄົ້ນຄ້ວາຂອງສາດສະດາຈານ Ki Moran, ທີ່ເຮັດວຽກຢູ່ສູນໂລກມະເຮັງແຫ່ງຊາດແລ້ວ ປະເທດນີ້ ຈະປະເຊີນໜ້າກັບການແຜ່ລາມຂອງໂລກລະບາດ Covid – 19 ຄັ້ງໃໝ່ ດ້ວຍຈຳນວນຜູ້ຕິດເຊື້ອພະຍາດ Covid – 19 ແມ່ນ 800 ຄົນ ຕໍ່ວັນ ໃນເດືອນຕໍ່ໄປຖ້າຫາກວ່າ ລັດຖະບານ ບໍ່ນຳໃຊ້ບັນດາມາດຕະການແຍກຫ່າງໃນທົ່ວສັງຄົມຢ່າງເຂັ້ມງວດ.