(vovworld) – ຕອນເຊົ້າວັນທີ 18/02, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນໃສ່ຮ່າງບົດລາຍງານອະພິປາຍ, ຮັບເອົາຄຳເຫັນໃສ່ຮ່າງກົດໝາຍວ່າດ້ວຍສື່ມວນຊົນ (ສະບັບປັບປຸງ), ຄະນະປະຈຳສະພາແຫ່ງຊາດຊຸດທີ 13 ໄດ້ເຫັນດີເປັນເອກະພາບກັບຫຼາຍເນື້ອໃນຂອງຮ່າງບົດລາຍງານ, ອະພິປາຍ, ຮັບເອົາຄຳເຫັນ ແລະ ປັບປຸງຮ່າງກົດໝາຍວ່າດ້ວຍສື່ມວນຊົນ (ສະບັບປັບປຸງ). ທ່ານປະທານສະພາຊົນເຜົ່າຂອງສະພາແຫ່ງຊາດ ກຊ ເຟື໋ອກ ຖືວ່າ, ຖ້າຫາກກົດໝາຍວ່າດ້ວຍສືມວນຊົນ ບໍ່ຄຸບຄອງບັນດາຮູບການສື່ສານທີ່ມີລັກສະນະສືມວນຊົນຄື: ບັນດາແວັບໄຊເອເລກໂຕນິກ ຫຼື ແວັບໄຊສັງຄົມ ແມ່ນບໍ່ຕອບສະໜອງໄດ້ຄວາມຕ້ອງການຂອງພຶດຕິກຳຕົວຈິງໄດ້.
“ການສື່ສານທາງເຄືອຂ່າຍອີນເຕີແນັດມີ 3 ປະເພດ, ທີ່ 1 ແມ່ນບັນດາອົງການທີ່ກຳນົດໃນກົດໝາຍ ໄດ້ສ້າງຕັ້ງເປັນອົງການສືມວນຊົນ. ທີ 2 ແມ່ນເອກະຊົນ ແລະ ບັນດາແວັບໄຊພາຍໃນປະເທດ. ທີ່ 3 ແມ່ນຢູ່ຕ່າງປະເທດ. ປະຈຸບັນ ຕ້ອງປະຕິບັດບົດບາດໜ້າທີ່ຄຸ້ມຄອງ ລັດສຳລັບບັນດາແວັບໄຊພາຍໃນປະເທດ”.
ປະກອບຄຳເຫັນໃສ່ບັນຫານີ້, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຖືວ່າ, ລັດຖະທຳມະນູນ 2013 ກຳນົດກ່ຽວກັບສິດເສລີດ້ານສືມວນຊົນ, ສິດເສລີໃນການສຳພັດຂໍ້ມູນຂ່າວ. ບັນດາສິດເສລີນີ້ພຽງແຕ່ຖືກຈຳກັດດ້ວຍກົດໝາຍ. ສະນັ້ນ, ສະເໜີກົດໝາຍຕ້ອງກຳນົດຮູບການສື່ສານມີລັກສະນະສືມວນຊົນຄືແວັບໄຊສັງຄົມ, ແວັບໄຊສັງລວມ. ບົນພື້ນຖານນັ້ນຈະມີບັນດາດຳລັດກຳນົດລະອຽດ ກ່ຽວກັບການຄຸ້ມຄອງລັດສຳລັບຮູບຮູບການສື່ສານນີ້.
ແລະກໍໃນຕອນເຊົ້າວັນດຽວກັນ, ຄະນະປະຈຳສະພາແຫ່ງຊາດກໍໃຫ້ຄຳເຫັນໃສ່ຮ່າງບົດລາຍງານອະພິປາຍ, ຮັບເອົາຄຳເຫັນຂອງຮ່າງກົດໝາຍວ່າດ້ວຍການປົກປ້ອງ, ເບິ່ງແຍງດູແລ ແລະ ສຶກສາເດັກນ້ອຍ (ສະບັບປັບປຸງ). ຜ່ານການປຶກສາຫາລື, ມີຫຼາຍຄຳເຫັນໄດ້ເຫັນດີຕໍ່ເລື່ອງປ່ຽນຊື່ກົດໝາຍທີ່ພວມປະກາດໃຊ້ເປັນ “ກົດໝາຍວ່າດ້ວຍເດັກນ້ອຍ”.
ຕາມລາຍການແລ້ວ, ຕອນບ່າຍວັນທີ 18/02, ຄະນະປະຈຳສະພາແຫ່ງຊາດຈະໃຫ້ຄຳເຫັນໃສ່ບົດລາຍງານວຽກງານອາຍຸການ 2011 – 2016 ຂອງຫົວໜ້າອົງການໄອຍະການປະຊາຊົນສູງສຸດ ແລະ ໃບສະເໜີຂອງຫົວໜ້າອົງການໄອຍະການປະຊາຊົນສູງສຸດ.