ງານລາຕີຈັດຂຶ້ນໃນຕອນຄຳ່ວັນທີ 5/6
(vovworld) – ຄຳ່ຄືນວັນທີ 5/6, ນະຄອນ ໂຮ່ຈີມິນ ໄດ້ຈັດຕັ້ງລາຍການສະແດງສິລະປະດ້ວຍຫົວຂໍ້ວ່າ “ຊື່ປະທານ ໂຮ່ຈີມິນ ຮູ່ງແຈ້ງໃສຕະຫລອດໄປ” ເພື່ອສະເຫຼີມສະຫຼອງ 105 ປີແຫ່ງວັນປະທານ ໂຮ່ຈີມິນ ອອກຈາກປະເທດໄປຊອກຫາເສັ້ນທາງກູ້ຊາດທີ່ ຫໍພິພິດທະພັນ ໂຮ່ຈີມິນ. ລາຍການໄດ້ຮັບການຈັດຕັ້ງຢ່າງລອບຄອບຖີ່ຖ້ວນດ້ວຍບັນດາບົດເພງ, ວາດຟ້ອນທີ່ເປັນເອກະລັກສະເພາະເລົ່າຄືນຕະຫຼອດໄລຍະນັບແຕ່ເວລາທີ່ເພິ່ນຍັງເປັນຊາວໜຸ່ມຜູ້ຮັກຊາດ ຫງວຽນເຕີດແທ່ງ ລົງກຳ່ປັ່ນ Amiral Latouche Treville ຈາກທ່າກຳ່ປັ່ນ ໄຊງ່ອນ ອອກໄປຕ່າງປະເທດຊອກຫາເສັ້ນທາງກູ້ຊາດ ຮອດວັນປະເທດຊາດໄດ້ທ້ອນໂຮມເປັນເອກະພາບຢ່າງສົມບູນ, ທົ່ວປະເທດເລີ່ມກ້າວເຂົ້າສູ່ພາລະກິດສ້າງສາ ແລະ ປົກປັກຮັກສາປະເທດ ຫວຽດນາມ ສັງຄົມນິຍົມ. ນີ້ແມ່ນການເຄື່ອນໄຫວປະກອບສ່ວນສຶກສາໃຫ້ລຸ້ນໜຸ່ມຂອງນະຄອນກ່ຽວກັບຄຸນງາມຄວາມດີອັນໃຫຍ່ຫຼວງຂອງປະທານ ໂຮ່ຈີມິນ ຕໍ່ພາລະກິດຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບ.