ທ່ານ Nicolas Maduro ໄດ້ຮັບເລືອກຕັ້ງ
ເປັນປະທານາທິບໍດີ ເວເນຊູເອລາ ຄົນໃໝ່
(ພາບ: reuters.com)
(vovworld)- ສະພາເລືອກຕັ້ງແຫ່ງຊາດເວເນຊູເອລາ ປະກາດວ່າ: ທ່ານ Nicolas Maduro ຜູ້ຮັກສາການປະທານາທິບໍດີ, ຜູ້ອອກສະໝັກຮັບເລືອກຕັ້ງຂອງພັກສັງຄົມນິຍົມເອກະພາບເວເນຊູເອລາ ຍາດໄດ້ໄຊຊະນະຕໍ່ທ່ານ Henrique Capriles ຜູ້ອອກສະໝັກຮັບເລືອກຕັ້ງຂອງພັນທະມິດຝ່າຍຄ້ານ ໃນການເລືອກຕັ້ງເມື່ອວັນທີ 14/4 ເພື່ອກາຍເປັນປະທານນາທິບໍດີເວເນຊູເອລາ ຄົນໃໝ່. ດ້ວຍ 99,12% ຈຳນວດບັດໄດ້ກວດນັ້ນ, ທ່ານ Nicolas Maduro ຍາດໄດ້ 50,66% ບັດສະໜັບສະໜູນ, ໃນຂະນະທີ່ທ່ານ Henrique Capriles ຄູ່ແຂ່ງຂອງທ່ານຍາດໄດ້ພຽງ 49,07% ເທົ່ານັ້ນ. ໃນບັ້ນຂົນຂວາຍຫາສຽງເລືອກຕັ້ງ, ທ່ານ Nicolas Maduro ໃຫ້ຄຳໝັ້ນສັນຍາວ່າຈະມີຄວາມຈົ່ງຮັກພັກດີກັບແນວທາງຝ່າຍຊ້າຍຢ່າງເດັດຂາດ, ທ່ານຈະສືບຕໍ່ເປີດກ້ວາງບັນດາລາຍການສັງຄົມເພື່ອຄົນທຸກຍາກຊື່ງໄດ້ຮັບການຜັນຂະຫຍາຍໃນ 10 ປີຜ່ານມາ. ທ່ານຍັງໃຫ້ຄຳໝັ້ນສັນຍາຈະຍູ້ແຮງການກໍ່ສ້າງພື້ນຖານໂຄງລ່າງ ແລະ ແກ້ໄຂສະພາບຂາດຄວາມສະຫງົບປອດໄພ….. ການເລືອກຕັ້ງໄດ້ດຳເນີນໄປຢ່າງຈະແຈ້ງ ໂດຍມີການຕິດຕາມກວດກາຂອງນັກສັງເກດການພາຍໃນ ກ່ວາ 3400 ທ່ານ ແລະ ນັກສັງເກດການຕ່າງປະເທດ 240 ທ່ານ.
ເນື່ອງໃນໂອກາດທີ່ທ່ານ Nicolas Maduro ໄດ້ຮັບເລືອກຕັ້ງເປັນປະທານາທິບໍດີ ສ.Boliva ເວເນຊູເອລາ ອາຍຸການ 2013 – 2019, ວັນທີ 15/04, ທ່ານເລຂາທິການໃຫຍ່ ຫງວຽນຟຸຈ້ອງ, ທ່ານປະທານປະເທດ ເຈືອງເຕີນຊາງ ແລະ ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ສ່ົງສານຊົມເຊີຍ ເຖິງທ່ານປະທານາທິບໍດີຄົນໃໝ່ Nicolas Maduro. ໃນສານມີຕອນຂຽນວ່າ, ການນຳຂັ້ນສູງຫວຽດນາມ ໄດ້ສະແດງຄວາມປາດຖະໜາຢາກເປີດກວ້າງ ແລະ ເຮັດໃຫ້ສາຍພົວພັນສາມັກຄີ, ມິດຕະພາບ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ເວເນຊູເອລາ ເລິກເຊິ່ງກວ່າອີກ.