(vovworld) - ໂດຍສືບຕໍ່ການຢ້ຽມຢາມສະຫະພັນລັດເຊຍ ຢ່າງເປັນທາງການ, ວັນທີ 13/05, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ໄປຢ້ຽມຢາມເຂດ Kaliningrad ເຊິ່ງແມ່ນແຫ່ງພວມທົດລອງກຳປັ່ນດຳນ້ຳ Kilo 636 ລຳທຳອິດ ທີ່ມີຊື່ວ່າ ຮ່າໂນ້ຍ ຂອງຫວຽດນາມ. ທ່ານໄດ້ລະດົມກຳລັງໃຈແກ່ບັນດາລູດເຮືອ ກໍຄືການກວດກາການທົດລອງຂອງກຳປັ່ນດຳນ້ຳ 2 ລຳທີ່ທັນສະໄໝນີ້. ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ, ພັກ, ລັດ ແລະ ປະຊາຊົນຫວຽດນາມ ມີຄວາມຫວັງໃຫ້ບັນດາພະນັກງານ, ນັກຮົບ, ລູກເຮືອກຳປັ່ນດຳນ້ຳຂອງກອງທັບເຮືອປະຊາຊົນຫວຽດນາມ ຈົ່ງເສີມຂະຫຍາຍນ້ຳໃຈຕັ້ງໜ້າ, ເປັນເຈົ້າການມີຫົວຄິດປະດິດສ້າງ, ຜ່ານຜ່າຄວາມຫຍຸ້ງຍາກ ເພື່ອຮັບເອົາຄວາມຮູ້ດ້ານວິທະຍາດສາດ, ການທະການທີ່ທັນສະໄໝໂດຍໄວ, ເພື່ອສາມາດບັນຊາກຳປັ່ນດຳນ້ຳ ໄດ້ເປັນຢ່າງດີ ພາຍຫຼັງທີ່ລັດເຊຍ ມອບໂອນໃຫ້ແກ່ຫວຽດນາມ. ທ່ານເນັ້ນໜັກວ່າ, ກອງທັບປະຊາຊົາຫວຽດນາມ ເວົ້າລວມ ແລະ ກຳລັງທະຫານເຮືອເວົ້າສະເພາະ ຄວນປະຕິບັດບັນດາມາດຕະການໃກ້ຊິດຕິດແທດກັບຕົວຈິ່ງ ເພື່ອແນໃສ່ກໍ່ສ້າງກຳລັງປະຕິວັດ, ເປັນກຳລັງຫຼວງ, ທັນສະໄໝ, ມີຄວາມສາມາດຢ່າງພຽງພໍ, ເພື່ອປ້ອງກັນຕົວ ແລະ ປົກປັກຮັກສາອະທິປະໄຕຂອງປະເທດຊາດ.
ເມື່ອພົບປະກັບວົງການນັກຂ່າວ, ທ່ານນາຍົກລັດຖະມົນຕີ ຫງວຽນເຕີນຢຸງ ຊີ້ແຈ້ງວ່າ, ເລື່ອງສະຫະພັນລັດເຊຍ ມອບໂອນກຳປັ່ນດຳນ້ຳໃຫ້ແກ່ຝ່າຍຫວຽດນາມ ບໍ່ພຽງແຕ່ແມ່ນສັນຍາທີ່ມີລັກສະນະການຄ້າເທົ່ານັ້ນ, ຫາກຍັງແມ່ນປະກົດການຂອງສາຍພົວພັນຮ່ວມມືມິດຕະພາບ, ຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດຫວຽດນາມ - ລັດເຊຍ.