ບັນດາຜູ້ແທນເຂົ້າຮ່ວມກອງປະຊຸມ
ພາບ:cand.com
|
(vovworld)- ວັນທີ 17/3, ຄະນະຊີ້ນຳການປະຕິຮູບຕຸລາການສູນກາງ ໄດ້ຈັດກອງປະຊຸມຄັ້ງທີ 25 ເພື່ອປຶກສາຫາລື, ໃຫ້ຄຳເຫັນໃສ່ “ແຜນຮ່າງປ້ອງກັນ, ຕ້ານການຫຍໍ້ທໍ້ໃນການເຄື່ອນໄຫວອາຊີບທະນາຍຄວາມ ແລະ ບົດລາຍງານກ່ຽວກັບການສ້າງປື້ມບັນທຶກເຫດການຂອງຄະນະຊີ້ນຳການປະຕິຮູບຕຸລາການສູນກາງ ອາຍຸການ 2002-2016. ກ່າວຄຳເຫັນທີ່ກອງປະຊຸມ, ທ່ານປະທານປະເທດ ເຈືອງເຕີນຊາງ ສະເຫນີ: ອົງການຮຽບຮຽງສືບຕໍ່ກຳນົດ, ຄົ້ນຄ້ວາ, ຄາດຄະເນສະພາບການຫຍໍ້ທໍ້ໃນການເຄື່ອນໄຫວອາຊີບທະນາຍຄວາມ, ໄຈ້ແຍກບັນດາຂໍ້ກຳນົດຂອງກົດໝາຍທີ່ກ່ຽວຂ້ອງເຖິງການເຄື່ອນໄຫວອາຊີບທະນາຍຄວາມ ເພື່ອສະເຫນີ ປັບປຸງ, ເພີ່ມເຕີມບັນດາຂໍ້ກຳນົດທີ່ບໍ່ທັນເໝາະສົມ. ຕາມທ່ານປະທານປະເທດ ເຈືອງເຕີນຊາງແລ້ວ, ເພື່ອສະກັດກັ້ນ, ຍູ້ການຫຍໍ້ທໍ້ໃນການເຄື່ອນໄຫວອາຊີບທະນາຍຄວາມໃຫ້ຖອຍໄປ ຄວນພິຈາລະນາ, ຕີລາຄາສະພາບການຫຍໍ້ທໍ້ຢ່າງຮອບດ້ານ ແລະ ປ້ອງກັນຕ້ານການຫຍໍ້ທໍ້ໃນໄລຍະຜ່ານມາ, ຈາກນັ້ນກຳນົດມາດຕະການແທດຈິງ, ມີປະສິດທິຜົນ ເພື່ອປ້ອງກັນການຫຍໍ້ທໍ້, ຕໍ່ສູ້ສະກັດກັ້ນ, ຍູ້ສະພາບການຫຍໍ້ທໍ້ໃຫ້ຖອຍໄປໃນໄລຍະຈະມາເຖິງ.