ທ່ານປະທານສະພາແຫ່ງຊາດ ເວືອງດິ່ງເຫ້ວ: ຂໍ້ກຳນົດທີ່ກ່ຽວຂ້ອງເຖິງແຫຼ່ງກຳເນີດຜະລິດຕະພັນ ຕ້ອງຮັບປະກັນລັກການປະຊາທິປະໄຕ ແລະ ພາວະວິໄສ
(VOVWORLD) -ກ່າວຄຳເຫັນທີ່ການເຮັດວຽກ, ທ່ານປະທານສະພາແຫງຊາດ ຫວຽດນາມ ເວືອງດິ່ງເຫ້ວເນັ້ນໜັກວ່າ ການປັບປຸງຂໍ້ກຳນົດທີ່ກ່ຽວຂ້ອງເຖິງແຫຼ່ງກຳເນີດຜະລິດຕະພັນແມ່ນຄວາມຈຳເປັນ, ສອດຄອງກັບຍຸດທະສາດສິດຊັບສິນທາງປັນຍາຮອດປີ 2030
 ທ່ານປະທານສະພາແຫ່ງຊາດ ເວືອງດິ່ງເຫ້ວເປັນປະທານການເຮັດວຽກ (ພາບ: TTXVN) |
ຕອນຄ່ຳວັນທີ 29 ຕຸລາ, ຢູ່ຮ່າໂນ້ຍ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໄດ້ເປັນປະທານການເຮັດວຽກກັບຜູ້ຕາງໜ້າລັດຖະບານ, ບັນດາກະຊວງ, ຂະແໜງການ, ສຳນັກງານອົງການຂອງ ສະພາແຫ່ງຊາດ ກ່ຽວກັບການແກ້ໄຂການກະທຳລະເມີດສິດເປັນເຈົ້າຂອງ ອຸດສາຫະກຳ ທາງດ້ານແຫຼ່ງກຳເນີດຜະລິດຕະພັນ. ນີ້ແມ່ນໜຶ່ງໃນບັນດາເນື້ອໃນຂອງ ຮ່າງກົດໝາຍປັບປຸງ, ເພີ່ມເຕີມບາງມາດຕາ ຂອງກົດໝາຍວ່າດ້ວຍການດຳເນີນຄະດີອາຍາ ເຊິ່ງສະພາແຫ່ງຊາດພວມພິຈາລະນາ.
ກ່າວຄຳເຫັນທີ່ການເຮັດວຽກ, ທ່ານປະທານສະພາແຫງຊາດ ຫວຽດນາມ ເວືອງດິ່ງເຫ້ວເນັ້ນໜັກວ່າ ການປັບປຸງຂໍ້ກຳນົດທີ່ກ່ຽວຂ້ອງເຖິງແຫຼ່ງກຳເນີດຜະລິດຕະພັນແມ່ນຄວາມຈຳເປັນ, ສອດຄອງກັບຍຸດທະສາດສິດຊັບສິນທາງປັນຍາຮອດປີ 2030, ປົກປ້ອງຜົນປະໂຫຍດແຫ່ງຊາດ, ຜູ້ຊົມໃຊ້ ແລະ ວົງຄະນາຍາດຊຸມຊົນ. ພາຍຫລັງກອງປະຊຸມນີ້, ຄະນະປະຈຳສະພາແຫ່ງຊາດ ຈະນຳສະເໜີຕໍ່ສະພາແຫ່ງຊາດເພື່ອຕັດສິນວິທີການຕໍ່ຂໍ້ນົດດັ່ງກ່າວ, ຮັບປະກັນຫຼັກການປະຊາທິປະໄຕ, ພາວະວິໄສ ແລະ ສະມາຊິກສະພາແຫ່ງຊາດ ຈະເປັນຜູ້ຕັດສິນສຸດທ້າຍ.