(VOVWORLD) -ຕອນຄ່ຳວັນທີ 29 ພະຈິກ, ທ່ານປະທານາທິບໍດີ ຝລັ່ງ Emmanuel Macron ໄດ້ເລີ່ມຕົ້ນການຢ້ຽມຢາມ ທາງລັດຖະກິດ ຢູ່ ອາເມລິກາ ຕາມຄຳເຊື້ອເຊີນຂອງທ່ານປະທານາທິບໍດີ Joe Biden.
ການຢ້ຽມຢາມຂອງການນຳ ຝລັ່ງ ໄດ້ ຕັ້ງຄວາມຫວັງໄວ້ວ່າ ຈະແມ່ນການເລີ່ມຕົ້ນໃໝ່ໃຫ້ແກ່ສາຍພົວພັນສຳພັນທະມິດມາແຕ່ດົນນານລະຫວ່າງ ຝລັ່ງ ກັບ ອາເມລິກາ.
ເນື້ອໃນບຸລິມະສິດແຖວໜ້າໃນການຢ້ຽມຢາມ ອາເມລິກາ ຂອງທ່ານປະທານາທິບໍດີ ຝລັ່ງ Macron ແມ່ນ ຊອກຫາຄວາມເຫັນດີເຫັນພ້ອມຂອງທັງສອງຝ່າຍໃນບັນຫາ ຢູແກຼນ.
ຕາມການຄາດຄະເນແລ້ວ, ການນຳ ຝລັ່ງ ແລະ ອາເມລິກາ ກໍຈະເຕື້ອງເຖິງບັນຫາໃຫຍ່ຄື ການປ່ຽນແປງຂອງດິນຟ້າອາກາດ, ການຮ່ວມມືໃນຂົງເຂດຍ່ານເວຫາ, ນິວເຄຼຍ ຫຼື ບັນຫາຢູ່ພາກພື້ນມະຫາສະໝຸດອິນເດຍ - ປາຊີຟິກ ແລະ ນະໂຍບາຍສຳລັບ ຈີນ. ພາຍໃນ 3 ວັນຢູ່ຢ້ຽມຢາມ ອາເມລິກາ, ທ່ານປະທານາທິບໍດີ ຝລັ່ງ ກໍຈະມີການພົບປະກັບເຈົ້າໜ້າທີ່ອາວຸໂສໃນອຳນາດການປົກຄອງຂອງ ອາເມລິກາ ອີກດ້ວຍ.
ແມ້ງຮ່າ, ນັກຂ່າວ VOV ປະຈຳ ອາເມລິກາ.