ພາບປະກອບ
vovworld) – ວັນທີ 12/2, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ໄປຢ້ຽມຢາມ, ອວຍພອນປີໃໝ່ ແລະ ກວດກາສະພາບການຜະລິດກະສີກຳລະດູໜາວຕໍ່ລະດູບານໃໝ່ ກໍ່ຄືວຽກງານຄຸ້ມຄອງຄັນຄູຢູ່ແຂວງນາມດິ້ນ. ເມື່ອໄປຢ້ຽມຢາມ ແລະ ອວຍພອນປີໃໝ່ຊາວກະສີກອນທີ່ພວມທຳການຜະລິດລະດູໜາວ ຕໍ່ລະດູບານໃໝ່ ຢູ່ຕາແສງຊວນນິນ, ເມືອງຊວນເຈື່ອງ ແລະ ຕາແສງຫາຍຮ່າ, ເມືອງຫາຍເຮົ້າ, ແຂວງນາມດິ້ນ. ທ່ານຮອງນາຍົກລັດຖະມົນຕີ ຮ່ວາງຈູງຫາຍຢືນຢັນວ່າ, ພັກ ແລະ ລັດ ໄດ້ ແລະ ພວມເອົາໃຈໃສ່ທີ່ສຸດເຖິງການຜະລິດກະສີກຳ ດ້ວຍຫຼາຍນະໂຍບາຍໜູນຊ່ວຍຊາວກະສີກອນທຳການຜະລິດ.
ທີ່ການເຮັດວຽກກັບການນຳແຂວງນາມດິ້ນ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຕີລາຄາສູງໝາກຜົນເຊິ່ງນາມດີ້ນ ຍາດມາໄດ້ໃນການກໍ່ສ້າງຊົນນະບົດໃໝ່. ທ່ານຮຽກຮ້ອງໃຫ້ແຂວງນາມດິ້ນ ຈົ່ງມີການກະກຽມດີກວ່າອີກ ເພື່ອຮັບມືກັບການປ່ຽນແປງຂອງດິນຟ້າອາກາດໃນປີນີ້, ເອົາໃຈໃສ່ເຖິງແນວພັນເຂົ້າທີ່ມີຄຸນນະພາບ ແລະ ໃຫ້ມູນຄ່າສູງ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ກໍ່ສະເໜີໃຫ້ກະຊວງກະສີກຳ ແລະ ພັດທະນາຊົນນະບົດໜູນຊ່ວຍດ້ານທຶນຮອນໃຫ້ແກ່ການພັດທະນາທົ່ງນາໃຫຍ່ທີ່ເປັນແບບຢ່າງ, ແລະ ຮຽກຮ້ອງໃຫ້ກະຊວງ, ຂະແໜງທີ່ກ່ຽວຂ້ອງ ພິຈາລະນາຄືນບັນຫາປະກັນໄພກະສີກຳ, ຕາມທິດສ້າງເງື່ອນໄຂສະດວກກວ່າອີກໃຫ້ແກ່ຊາວກະສີກອນ.