(VOVWORLD) - ໃນລະຫວ່າງວັນທີ 24 – 25 ຕຸລາ, ຢູ່ Ottawa, ການາດາ ໄດ້ດຳເນີນກອງປະຊຸມລັດຖະມົນຕີກ່ຽວກັບການປະຕິຮູບອົງການການຄ້າໂລກ (WTO)
 ການນຳບັນດາປະເທດເຂົ້າຮ່ວມກອງປະຊຸມ (ພາບ: globalnews.ca) |
ດ້ວຍເປົ້າໝາຍກຳນົດໂຄງການດຳເນີນງານລະອຽດ ເພື່ອແນໃສ່ປັບປຸງ ແລະ ສ້າງອົງການລວມມີ 164 ສະມາຊິກນີ້ໃນອະນາຄົດໃຫ້ສົມບູນກ່ວາ. ກອງປະຊຸມໄດ້ປຶກສາຫາລື 3 ຫົວຂໍ້ຕົ້ນຕໍ: ໂຄງການດຳເນີນງານໃນສະເພາະໜ້າ ເພື່ອແນໃສ່ຍົກສູງກຳລັງຄວາມສາມາດ ແລະ ປະສິດທິຜົນຂອງ WTO; ປ້ອງກັນ ແລະ ປັບປຸງລະບົບແກ້ໄຂການຂັດແຍ້ງກັນ; ແລະ ປ່ຽນແປງໃໝ່ພາລະບົດບາດການເຈລະຈາຂອງ WTO.
ກອງປະຊຸມໄດ້ເຕົ້າໂຮມການເຂົ້າຮ່ວມຂອງວົງການເຈົ້າໜ້າທີ່ 13 ພື້ນຖານເສດຖະກິດລວມມີ: ການາດາ, ອົດສະຕາລີ, ນິວຊີແລນ, ຍີ່ປຸ່ນ, ສ.ເກົາຫຼີ, ສິງກະໂປ, ບຣາຊົນ, ຈີເລ, ເມັກຊີໂກ, ເຄັນຢາ, ນອກແວ, ຊູແອັດ ແລະ ສະຫະພາບ ເອີຣົບ (ອີຢູ).
ກອງປະຊຸມໄດ້ຍົກອອກຖະແຫຼງການສະໜັບສະໜູນລະບົບການຄ້າຫລາຍຝ່າຍ ໂດຍອີງໃສ່ລະບຽບຫຼັກການຢ່າງແຮງ ແລະ ເນັ້ນໜັກເຖິງບົດບາດທີ່ຂາດບໍ່ໄດ້ຂອງ WTO ໃນການສ້າງຄວາມສະດວກ ແລະ ປົກປ້ອງການຄ້າ.