ບັນຫາ Brexit: ອີຢູ ແລະ ອັງກິດ ບັນລຸໄດ້ຄວາມຄືບໜ້າກ່ຽວກັບເຕັກນິກໃນການເຈລະຈາດ້ານການຄ້າ
(VOVWORLD) - ວັນທີ 14 ຕຸລາ, ໂຄສົກຂອງທ່ານນາຍົກລັດຖະມົນຕີ ອັງກິດ Boris Johnson ໃຫ້ຮູ້ວ່າ ອັງກິດ ແລະ ສະຫະພາບເອີີລົບ (ອີຢູ) ບັນລຸໄດ້ຄວາມຄືບໜ້າໃນການເຈລະຈາດ້ານການຄ້າໃນອາທິດນີ້, ເຖິງວ່າຍັງມີຄວາມບໍ່ລົງລອຍກັນຢູ່ກໍ່ຕາມ.
ບັນດາຄວາມມານະພະຍາຍາມພວມໄດ້ລະດົມຢ່າງສຸດຂີດ ເພື່ອແນໃສ່ບັນລຸໄດ້ຂໍ້ຕົກລົງກັບຄູ່ຮ່ວມມືໃໝ່ ອັງກິດ - ອີຢູ ໃນທຸກຂົງເຂດ, ນັບແຕ່ດ້ານການຄ້າຕະຫຼອດຮອດການຄົມມະນາຄົມ ແລະ ການຮ່ວມມືນິວເຄຼຍ, ເຊິ່ງຄາດວ່າຈະມີຜົນສັກສິດນັບແຕ່ວັນທີ 1 ມັງກອນ 2021 ເປັນຕົ້ນໄປ ໃນຂະນະທີ່ວິວັດທະນາການ Brexit ຈະສິ້ນສຸດລົງໃນທ້າຍປີນີ້. ປັດຈຸບັນ, ບັນດາຂໍ້ກຳນົດກ່ຽວກັບການແກ້ງແຍ້ງຢ່າງຍຸຕິທຳ ແລະ ສິດຈັບຫາປາ ພວມແມ່ນບັນດາບັນຫາຕົ້ນຕໍທີ່ກີດຂວາງການເຈລະຈາສອງຝ່າຍ.