ປະຊາຄົມຊາວ ຫວຽດນາມ ອາໄສ ຢູ່ ສະວິດ ຕີລາຄາສູງການຊຸກຍູ້ ການປ່ຽນແປງໃໝ ປະດິດສ້າງຂອງ ພັກ, ລັດ
(VOVWORLD) -ເນື່ອງໃນໂອກາດຢ້ຽມຢາມສະຫະພັນ ສະວິດ ຢ່າງເປັນທາງການ, ຕອນບ່າຍວັນທີ 27 ພະຈິກ (ຕາມເວລາ ທ້ອງຖິ່ນ), ຢູ່ນະຄອນ Bern, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ມີການພົບປະກັບຜູ້ຕາງໜ້າຄະນະ, ສະມາຄົມ, ອົງການຈັດຕັ້ງທີ່ກ່ຽວຂ້ອງ ແລະ ຜູ້ຕາງໜ້າປະຊາຄົມຊາວ ຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ລັດຕ່າງໆຂອງສະວິດ.
 ທ່ານປະທານປະເທດ ຫງວຽນຊວັນຟຸກ ພ້ອມດ້ວຍພັນລະຍາ ຖ່າຍຮູບກັບຜູ້ຕາງໜ້າຄະນະ, ສະມາຄົມ ຊາວ ຫວຽດນາມ ອາໄສ ຢູ່ ສະວິດ (ພາບ: TTXVN) |
ນະທີ່ນີ້, ທ່ານປະທານປະເທດ ຫງວຽນຊວັນຟຸກ ປາດຖະໜາວ່າ ພໍ່ແມ່ພີ່ນ້ອງຈະສືບຕໍ່ເສີມຂະຫຍາຍນ້ຳໃຈ “ອຸ້ມຊູຊ່ວຍເຫຼືອເຊິ່ງກັນແລະກັນ”, ອວ່າຍໜ້າເມືອຫາບ້ານເກີດເມືອງນອນ, ປະກອບສ່ວນກັບປະຊາຊົນຢູ່ພາຍໃນປະເທດ ຮ່ວມແຮງຮ່ວມໃຈຜ່ານຜ່າໂລກລະບາດໂດຍໄວ. ພ້ອມດຽວກັນນັ້ນ ແມ່ນເພີ່ມທະວີຄວາມສາມັກຄີ, ຮັກສາການສຶກສາມູນເຊື້ອ ແລະ ວັດທະນະນຳທີ່ເປັນກົກເຄົ້າເຫງົ້າກໍ່ໃຫ້ຄົນລຸ້ນໜຸ່ມ, ໂດຍສະເພາະແມ່ນການຮຽນພາສາ ຫວຽດ. ທ່ານປະທານປະເທດກໍສະເໜີໃຫ້ພະນັກງານສະຖານທູດ ຫວຽດນາມ ປະຈຳ ສະວິດ ປະຕິບັດວຽກງານປົກປ້ອງພົນລະເມືອງ, ດູແລ, ຊ່ວຍເຫຼືອພໍ່ແມ່ພີ່ນ້ອງຊາວ ຫວຽດນາມ ທີ່ພວມອາໄສຢູ່ປະເທດປະຈຳຖິ່ນໃຫ້ຫຼາຍກວ່າອີກ.
ເນື່ອງໃນໂອກາດນີ້, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ມອບຫຼຽນໄຊມິດຕິພາບໃຫ້ ສະມາຄົມມິດຕະພາບ ສະວິດ - ຫວຽດນາມ ຍ້ອນມີການປະກອບສ່ວນທີ່ດີເດັ່ນໃນການເພີ່ມພູນຄູນໄມຕີຈິດມິດຕະພາບລະຫວ່າງ ປະຊາຊົນສອງປະເທດ.