ທ່ານປະທານປະເທດ ຫງວຽນຊວັນຟຸກ ຢ້ຽມຢາມ ແລະ ມອບຂອງຂັວນໃຫ້ແກ່ບັນດາຄອບຄົວເປົ້າໝາຍນະໂຍບາຍ (ພາບ: kinhtedothi.vn)

   ນະທີ່ນີ້, ທ່ານປະທານປະເທດ ຫງວຽນຊວັນຟຸກ ຢັ້ງຢືນວ່າ ພັກ, ລັດ ຍາມໃດກໍຈົດຈຳ ແລະ ຈາລຶກບຸນຄຸນອັນລົ້ນເຫຼືອຂອງບັນດານັກຮົບວິລະຊົນ, ທະຫານເຈັບປ່ວຍ, ທະຫານເສຍອົງຄະ ທີ່ໄດ້ປະກອບເລືອດເນື້ອເຫື່ອແຮງຂອງຕົນເຂົ້າໃນພາລະກິດແຫ່ງການປົດປ່ອຍ ແລະ ທ້ອນໂຮມປະເທດຊາດເປັນເອກະພາບ. ທ່ານປະທານປະເທດ ຫງວຽນຊວັນຟຸກ ກໍໄດ້ຕັກເຕືອນການນຳນະຄອນ ຮ່າໂນ້ຍ ແລະ ອຳນາດການປົກຄອງທ້ອງຖິ່ນ ປະຕິບັດວຽກງານເບິ່ງແຍງດູແລໃຫ້ຜູ້ມີຄຸນງາມຄວາມດີໃນບໍລິເວນນະຄອນໃຫ້ເປັນຢ່າງດີ ເພື່ອເປັນການສະແດງຄວາມຮູ້ບຸນຄຸນຕໍ່ການເສຍສະຫຼະຂອງບັນດານັກຮົບວິລະຊົນ, ທະຫານເຈັບປ່ວຍ, ທະຫານເສຍອົງຄະ. ປະທານປະເທດກໍສະແດງຄວາມປາດຖະໜາວ່າ ບັນດາຄອບຄົວເປົ້າໝາຍນະໂຍບາຍຈະເປັນຄອບຄົວແບບຢ່າງ, ປະຕິບັດແຜນນະໂຍບາຍ, ແນວທາງ, ນະໂຍບາຍຂອງພັກ, ກົດໝາຍຂອງລັດ ໃຫ້ເປັນຢ່າງດີ, ຕັ້ງໜ້າເຂົ້າຮ່ວມບັນດາການເຄື່ອນໄຫວ, ຂະບວນການສ້າງນະຄອນຫຼວງໃຫ້ນັບມື້ນັບສວຍງາມ, ຮັ່ງມີ ແລະ ພັດທະນາ.