ທ່ານປະທານປະເທດຫວຽດນາມ ເຈີ່ນດ້າຍກວາງຕ້ອນຮັບ ທ່ານ Obaid AI Dhaheri ເອກອັກຄະລັດຖະທູດສະຫະລັດອາຣັບເອມມີເລດ

ການຕ້ອນຮັບ ທ່ານ Obaid AI Dhaheri ເອກອັກຄະລັດຖະທູດສະຫະລັດອາຣັບເອມມີເລດ (UAE), ທ່ານປະທານປະເທດເຈີ່ນດ້າຍກວາງ ໄດ້ຢັ້ງຢືນວ່າ ຫວຽດນາມຖືເປັນສຳຄັນການພົວພັນຮ່ວມມືມິດຕະພາບຫຼາຍດ້ານກັບ UAE ແລະ ຍາມໃດກໍປາດຖະໜາຢາກຍູ້ແຮງການຮ່ວມມືກັບ UAE ຄື ເພີ່ມທະວີການແລກປ່ຽນຄະນະຜູ້ແທນຂັ້ນຕ່າງໆ; ສູ້ຊົນຍົກວົງເງິນການຄ້າສອງສົ້ນຂຶ້ນເຖິງ 10 ຕື້ USD ໃນ 2, 3 ປີທີ່ຈະມາເຖິງ.

ທ່ານປະທານປະເທດຫວຽດນາມ ເຈີ່ນດ້າຍກວາງ ຕ້ອນຮັບ ທ່ານເອກອັກຄະລັດຖະທູດ ໂມຊຳບິກ Leonardo Penne

ຊົມເຊີຍ ໂມຊຳບິກ ທີ່ຮັກສາໄດ້ສະຖຽນລະພາບດ້ານການເມືອງ ແລະ ຮັກສາການພັດທະນາເສດຖະກິດຢູ່ໃນລະດັບສູງ, ທ່ານປະທານປະເທດ ເຈີ່ນດ້າຍກວາງ ຫວັງວ່າ ໃນອາຍຸການປະຕິບັດງານຂອງຕົນ, ທ່ານເອກອັກຄະລັດຖະທູດ ໂມຊຳບິກ Leonardo Penne ຈະເສີມຂະຫຍາຍບົດບາດ, ຕັ້ງໜ້າຊຸກຍູ້ການພົວພັນຮ່ວມມືລະຫວ່າງຫວຽດນາມ ແລະ ໂມຊຳບິກ ເວົ້າສະເພາະ ແລະ ບັນດາປະເທດອາຟິຼກາເວົ້າລວມ ໃຫ້ນັບມື້ນັບພັດທະນາ.

        ທີ່ການຕ້ອນຮັບທ່ານ Kim – Do – Hyon ເອກອັກຄະລັດຖະທູດສ.ເກົາຫຼີ, ທ່ານປະທານປະເທດ ເຈີ່ນດ້າຍກວາງ ຊີ້ແຈ້ງວ່າ ໃນໄລຍະຜ່ານມາ, ການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ - ສ.ເກົາຫຼີ ສືບຕໍ່ພັດທະນາໃນຫຼາຍຂົງເຂດຢ່າງແຮງ. ທ່ານປະທານປະເທດຖືວ່າ ເລື່ອງເປີດກວ້າງ ແລະ ເຮັດໃຫ້ການພົວພັນຮ່ວມມືລະຫວ່າງຫວຽດນາມ - ສ.ເກົາຫຼີ ເລິກເຊິ່ງນັ້ນ ແມ່ນເໝາະສົມກັບຄວາມຕ້ອງການຕົວຈິງກໍຄືຄວາມມຸ່ງມາດປາດຖະໜາ ແລະ ຜົນປະໂຫຍດຂອງສອງປະເທດ.