ປະທານປະເທດເຈີ່ນດ້າຍກວາງເຂົ້າຮ່ວມພິທີເປີດສະຫຼອງໂຮງຮຽນຢູ່ແຂວງນີງບີ່ງ
(ພາບ:Nhan Sáng/ສຳນັກຂ່າວສານ ຫວຽດນາມ)
(vovworld) – ຕອນເຊົ້າວັນທີ 21/8, ຢູ່ເມືອງ ກິມເຊີນ, ແຂວງ ນີງບິ່ງ, ໄດ້ຈັດຕັ້ງພິທີເປີດສະຫຼອງໂຮງຮຽນ 2 ແຫ່ງນັ້ນແມ່ນ ໂຮງຮຽນມັດທະຍົມຕອນປາຍ ກິມເຊີນ A ແລະ ກິມເຊີນ B. ກ່າວຄຳເຫັນທີ່ພິທີເປີດສະຫຼອງ, ທ່ານປະທານປະເທດ ເຈີ່ນດ້າຍກວາງ ໄດ້ຕີລາຄາສູງອຳນາດການປົກຄອງແຂວງ ນີງບີ່ງ, ເມືອງ ກິມເຊີນ, ກໍ່ຄືບັນດາຜູ້ໃຈບຸນໃຈກຸ້ສົນໃນຊຸມປີຜ່ານມາໄດ້ມານະພະຍາຍາມຍົກລະດັບພື້ນຖານໂຄງລ່າງດ້ານວັດຖຸຮັບໃຊ້ໃຫ້ແກ່ບັນດາຈຸດໝາຍການສຶກສາຂອງທ້ອງຖິ່ນ ແລະ ຄວາມຕ້ອງການຮ່ຳຮຽນ, ການສອນຂອງບັນດາຄູສອນ, ບັນດານັກຮຽນ, ເຖິງວ່າເງື່ອນໄຂຂອງແຂວງຍັງມີຄວາມຫຍຸ້ງຍາກຫຼາຍຢ່າງ. ທ່ານປະທານປະເທດ ຢັ້ງຢືນວ່າ: ເລື່ອງເອົາໃຈໃສ່ຮຽກຮ້ອງການລົງທຶນເຂົ້າບັນດາຮາກຖານດ້ານວັດຖຸຮັບໃຊ້ວຽກງານຮ່ຳຮຽນ, ສິດສອນບໍ່ພຽງແຕ່ຊ່ວຍໃຫ້ແຂວງ ນີງບີ່ງ, ເມືອງ ກິມເຊີນ ແກ້ໄຂຄວາມຫຍຸ້ງຍາກ, ຍົກລະດັບຄຸນນະພາບວຽກງານການສຶກສາ, ປະຕິບັດຍຸດທະສາດການບຳລຸງສ້າງ, ພັດທະນາແຫຼ່ງຊັບພະຍາກອນມະນຸດແຂວງ ນີງບິ່ງ ໃນໄລຍະຈະມາເຖິງເທົ່ານັ້ນ ຫາກຍັງປະກອບສ່ວນປະຕິບັດຈຸດໝາຍຮອດປີ 2020, ຫວຽດນາມ ກາຍເປັນປະເທດອຸດສາຫະກຳຕາມທິດທັນສະໄໝ. ທ່ານປະທານປະເທດ ເຈີ່ນດ້າຍກວາງ ປາດຖະໜາວ່າ: ບັນດາຄູສອນ, ພວກນ້ອງນັກຮຽນຈະໝູນໃຊ້ພື້ນຖານດ້ານວັດຖຸ, ອຸປະກອນຮັບໃຊ້ການຮ່ຳຮຽນສູງສຸດ, ມານະພະຍາຍາມສູ້ຊົນບັນລຸຜົນງານສູງກ່ວາອີກ, ປະກອບສ່ວນສ້າງບ້ານເກີດເມືອງນອນໃຫ້ຮັ່ງມີສວຍງາມ, ປະເທດຊາດມີວັດຖະນາຖາວອນ.