ຜູ້ຕາງໜ້າອົງການ WHO ກ່າວເຕືອນ ຫວຽດນາມ ເພີ່ມທະວີລະບົບຕິດຕາມກວດກາ, ຄວາມສາມາດບົ່ງມະຕິ, ກຽມພ້ອມຮັບມືກັບພະຍາດໝາກສຸກລີງ
(VOVWORLD) -WHO ຈະສືບຕໍ່ແບ່ງປັນຄຳແນະນຳໃໝ່ຂອງ WHO ເພື່ອໃຫ້ ຫວຽດນາມ ສາມາດຮັບມື; ພ້ອມດຽວກັນນັ້ນ, ພວມຈັດຕັ້ງການຊ່ວຍເຫຼືອບັນດາຜະລິດຕະພັນວິໄຈເພື່ອສະໜອງໃຫ້ບັນດາຮາກຖານກວດວິໄຈການແພດສາທາລະນະ ແລະ ໂຮງໝໍແຫ່ງຕ່າງໆໃນທົ່ວປະເທດ. ທ່ານນາງກໍກ່າວເຕືອນວ່າ ຫວຽດນາມ ຕ້ອງເພີ່ມທະວີລະບົບຕິດຕາມກວດກາ, ຄວາມສາມາດບົ່ງມະຕິ, ກຽມພ້ອມຮັບມືກັບພະຍາດໝາກສຸກລີງ.
 ທ່ານນາງ ປອ. Socorro Escalante, ຜູ້ຮັກສາການຫົວໜ້າຜູ້ຕາງໜ້າອົງການອະນາໄມໂລກ ປະຈຳ ຫວຽດນາມ (ພາບ: TTXVN) |
ມາຮອດປັດຈຸບັນ ຫວຽດນາມ ຢັ້ງຢືນຍັງບໍ່ທັນມີກໍລະນີໃດຕິດພະຍາດໝາກສຸກລີງ ແຕ່ເຖິງຢ່າງໃດກໍຕາມ, ຄວາມສ່ຽງແຜ່ລະບາດຢູ່ ຫວຽດນາມ ແມ່ນໃຫຍ່ຫຼວງທີ່ສຸດ ເພາະວ່າຢູ່ບັນດາປະເທດບ້ານໃກ້ເຮືອນຄຽງໄດ້ກວດພົບກໍລະນີຕິດເຊື້ອພະຍາດດັ່ງກ່າວແລ້ວ. ເມື່ອແລກປ່ຽນກັບສື່ມວນຊົນໃນວັນທີ 26 ກໍລະກົດ ຢູ່ຮ່າໂນ້ຍ, ທ່ານນາງ ປອ. Socorro Escalante, ຜູ້ຮັກສາການຫົວໜ້າຜູ້ຕາງໜ້າອົງການອະນາໄມໂລກ (WHO) ປະຈຳ ຫວຽດນາມ ໃຫ້ຮູ້ວ່າ: WHO ໜູນຊ່ວຍ ຫວຽດນາມ ກໍ່ສ້າງ ແລະ ປະຕິບັດບັນດາການເຄື່ອນໄຫວໂຄສະນາເຜີຍແຜ່ກ່ຽວກັບຄວາມສ່ຽງຂອງພະຍາດດັ່ງກ່າວ ດ້ວຍການເຂົ້າຮ່ວມຂອງວົງຄະນະຍາດ; ແນະນໍາກ່ຽວກັບວຽກງານສັກວັກຊິນກັນພະຍາດ ອີງຕາມຄຳແນະນຳອັບເດດຊົ່ວຄາວຂອງ WHO… ໄປຄຽງຄູ່ກັນນັ້ນ, WHO ຈະສືບຕໍ່ແບ່ງປັນຄຳແນະນຳໃໝ່ຂອງ WHO ເພື່ອໃຫ້ ຫວຽດນາມ ສາມາດຮັບມື; ພ້ອມດຽວກັນນັ້ນ, ພວມຈັດຕັ້ງການຊ່ວຍເຫຼືອບັນດາຜະລິດຕະພັນວິໄຈເພື່ອສະໜອງໃຫ້ບັນດາຮາກຖານກວດວິໄຈການແພດສາທາລະນະ ແລະ ໂຮງໝໍແຫ່ງຕ່າງໆໃນທົ່ວປະເທດ. ທ່ານນາງກໍກ່າວເຕືອນວ່າ ຫວຽດນາມ ຕ້ອງເພີ່ມທະວີລະບົບຕິດຕາມກວດກາ, ຄວາມສາມາດບົ່ງມະຕິ, ກຽມພ້ອມຮັບມືກັບພະຍາດໝາກສຸກລີງ.