ວັນທີ 29 ກໍລະກົດ, ພິທີສົ່ງກະດູກທະຫານ ອາເມລິກາ ທີ່ຫາຍສາບສູນໃນປາງສົງຄາມຢູ່ ຫວຽດນາມ (MIA) ກັບເມືອ ປະເທດຄັ້ງທີ 162 ໄດ້ຈັດຂຶ້ນຢູ່ສະໜາມບິນສາກົນ ດານັ້ງ, ນະຄອນ ດານັ້ງ, ຫວຽດນາມ. ຜູ້ຕາງໜ້າຝ່າຍ ຫວຽດນາມ ໄດ້ມອບສົ່ງກະດູກໃຫ້ຜູ້ຕາງໜ້າຝ່າຍ ອາເມລິກາ ຫີບໜຶ່ງ ເຊິ່ງແມ່ນໝາກຜົນການເຄື່ອນໄຫວຂອງກອງກຳລັງຄົ້ນຫາໃຕ້ນ້ຳຢູ່ ຍາຈາງ, ແຂວງ ແຄ໋ງຮ່ວາ ໃນການເຄື່ອນໄຫວຄັ້ງທີ 151. ກະດູກຈຳນວນດັ່ງກ່າວໂດຍບັນດານັກນິຕິເວດສາດ ຫວຽດນາມ ຢູ່ ດານັ້ງ ຊັນນະສູດ ແລະ ສະຫລຸບວ່າ ມີສ່ວນກ່ຽວຂ້ອງເຖິງທະຫານ ອາເມລິກາ ທີ່ຫາຍສາບສູນໃນປາງສົງຄາມ ຫວຽດນາມ. ຫີບກະດູກໄດ້ສົ່ງໄປຍັງ Hawaii, ປະເທດ ອາເມລິກາ ເພື່ອຄົ້ນຄ້ວາຢັ້ງຢືນຕື່ມອີກ.

        ການເຄື່ອນໄຫວຮ່ວມມືມະນຸດສະທຳຊອກຄົ້ນຫາທະຫານ ອາເມລິກາ ທີ່ຫາຍສາບສູນໃນປາງສົງຄາມ ຫວຽດນາມ ລະຫວ່າງສອງປະເທດ, ໃນນັ້ນມີບັນດາການເຄື່ອນໄຫວສອງຝ່າຍທີ່ໄດ້ເລີ່ມປະຕິບັດໃນທ້າຍຊຸມປີ 1980, ມາຮອດປະຈຸບັນໄດ້ຊ່ວຍຢັ້ງຢືນທະຫານອາເມລິກາ ທີ່ເສຍຊີວິດໃນປາງສົງຄາມ ໄດ້ຫຼາຍກ່ວາ 730 ຄົນ.