(vovworld) – ໂດຍໄດ້ຮັບຄຳເຊີນຂອງກະຊວງພາຍໃນສ.ເຊັກ, ຄະນະຜູແທນຂັ້ນສູງກະຊວງຕຳຫຼວດຫວຽດນາມ ໄດ້ມີການຢ້ຽມຢາມສ.ເຊັກ ຢ່າງເປັນທາງການໃນວັນທີ 06/07. ວັນທີ 07/07, ຢູ່ນະຄອນຫຼວງ Praha, ຄະນະຜູ້ແທນຂັ້ນສູງກະຊວງຕຳຫຼວດຫວຽດນານ ໂດຍພົນເອກ ເຈີນດ້າຍກວາງ, ລັດຖະມົນຕີກະຊວງຕຳຫຼວດນຳໜ້າ ໄດ້ມີການເຈລະຈາກັບຄະນະຜູ້ແທນຂັ້ນສູງກະຊວງພາຍໃນສ.ເຊັກ ໂດຍທ່ານລັດຖະມົນຕີ Milan Chovanec ນຳໜ້າ. ທີ່ການເຈລະຈາ, 2 ຝ່າຍໄດ້ເປັນເອກະພາບນຳກັນຕໍ່ບັນດາມາດຕະການເພີ່ມທະວີການຮ່ວມມືຕໍ່ສູ້ປ້ອງກັນ, ຕ້ານອາດຊະຍາກຳ, ໂດຍສະເພາະແມ່ນອາດຊະຍາກຳຢາເສບຕິດ, ອາດຊະຍາກຳມີການຈັດຕັ້ງ, ອາດຊະຍາກຳຂ້າມຊາດ…; ສືບຕໍ່ເຈລະຈາເພື່ອລົງນາມໃນສັນຍາຮ່ວມມືປ້ອງກັນຕ້ານອາດຊະຍາກຳ, ສັນຍາມອບສົ່ງຜູ້ຖືກລົງໂທດຈຳຄຸກ, ສັນຍາໜູນຊ່ວຍດ້ານກົດໝາຍອາຍາ… ໂດຍໄວ ສ້າງພື້ນຖານດ້ານກົດໝາຍຢ່າງໝັ້ນຄົງ, ຮອບດ້ານໃຫ້ແກ່ການຮ່ວມມືລະຫວ່າງ 2 ກະຊວງ.
ກ່ອນໜ້ານັ້ນ, ຄະນະຜູແທນຂັ້ນສູງກະຊວງຕຳຫຼວດຫວຽດນາມ ໄດ້ໄປຢ້ຽມຢາມສະຖານທູດຫວຽດນາມ ປະຈຳສ.ເຊັກ, ຢ້ຽມຢາມ ແລະ ໂອ້ລົມກັບປະຊາຄົມຊາວຫວຽດນາມ, ຢ້ຽມຢາມຫ້ອງການຕາງໜ້າທະນາຄານການຄ້າຫຸ້ນສ່ວນລົງທຶນ ແລະ ພັດທະນາຫວຽດນາມ ປະຈຳສ.ເຊັກ.