ທ່ານເອກອັກຄະລັດຖະທູດ ໄທ ປະຈຳ ຫວຽດນາມ ພັນຍາຣັກ ພຸນຊັບ ແລະ ທ່ານພົນເອກ ເຈີ່ນດ້າຍກວາງ
(ພາບ: anninhthudo.vn)
(vovworld) – ຕອນບ່າຍວັນທີ 2/4, ກ່າວຄຳເຫັນທີ່ການຕ້ອນຮັບເອກອັກຄະລັດຖະທູດ ຈີນ ປະຈຳ ຫວຽດນາມ ຂຸງແຊວນເຢົາ ເຂົ້າຢ້ຽມອຳລາເນື່ອງໃນໂອກາດສິ້ນສຸດອາຍຸການປະຕິບັດງານຢູ່ ຫວຽດນາມ, ທ່ານພົນເອກ ເຈີ່ນດ້າຍກວາງ, ລັດຖະມົນຕີກະຊວງ ຕຳຫຼວດ ຫວຽດນາມ ຢືນຢັນວ່າ: ລັດ, ລັດຖະບານ ແລະ ປະຊາຊົນ ຫວຽດນາມ ຖືເປັນສຳຄັນການພັດທະນາການພົວພັນຮ່ວມມືມິດຕະພາບກັບພັກ, ລັດຖະບານ ແລະ ປະຊາຊົນ ຈີນ. ຍາມໃດ ຫວຽດນາມ ກໍ່ຖືວ່ານ້ຳໃຈມິດຕະພາບ ຫວຽດນາມ - ຈີນ ແມ່ນຊັບສົມບັດອັນລ້ຳຄ່າລວມຂອງປະຊາຊົນ 2 ປະເທດ, ຄວນໄດ້ຮັບການປັບປຸງ, ພັດທະນາຢ່າງບໍ່ຢຸດຢັ້ງ. ທ່ານລັດຖະມົນຕີປາດຖະໜາວ່າ, ໃນໄລຍະຕໍ່ໄປເຖິງວ່າຈະດຳລົງໃນຖານະຕຳແໜ່ງໃດ, ທ່ານເອກອັກຄະລັດຖະທູດ ຂຸງແຊວນເຢົາ ກໍ່ສືບຕໍ່ເອົາໃຈໃສ່, ຊຸກຍູ້ການພົວພັນຮ່ວມມືມິດຕະພາບລະຫວ່າງ 2 ປະເທດ ຫວຽດນາມ - ຈີນ, ກໍ່ຄືລະຫວ່າງກະຊວງຕຳຫຼວດ ຫວຽດນາມ ກັບບັນດາອົງການປະຕິບັດກົດໝາຍຂອງຈີນ ໃຫ້ນັບມື້ນັບພັດທະນາຮອບດ້ານ, ມີປະສິດທິຜົນກ່ວາອີກ.
ແລະກໍ່ໃນຕອນບ່າຍວັນດຽວກັນ, ໃນການຕ້ອນຮັບທ່ານເອກອັກຄະລັດຖະທູດ ໄທ ປະຈຳ ຫວຽດນາມ ພັນຍາຣັກ ພຸນຊັບ ເນື່ອງໃນໂອກາດມາຮັບໜ້າທີ່ການທູດຢູ່ ຫວຽດນາມ, ທ່ານລັດຖະມົນຕີ ເຈີ່ນດ້າຍກວາງ ຢືນຢັນວ່າ, ໃນຊຸມປີຜ່ານມາ, ການພົວພັນຮ່ວມມືກັບ ລາຊະອານາຈັກ ໄທ ໃນທຸກຂົງເຂດໄດ້ຮັບການເພີ່ມເຕີມ ແລະ ປັບປຸງຢ່າງບໍ່ຢຸດຢັ້ງ, ປະກອບສ່ວນຕັ້ງໜ້າເຂົ້າໃນກາຍພັດທະນາເປັນປົກກະຕິ, ຍືນຍົງຂອງ ໄທ, ນຳມາເຊິ່ງປະສິດທິຜົນແທດຈິງ, ພິເສດແມ່ນການຮ່ວມມືແລກປ່ຽນຂໍ້ມູນຂ່າວສານ, ສະພາບອາດຊະຍາກຳຂ້າມຊາດ.