ວາງສະແດງປຶ້ມ,ເອກະສານກ່ວາ800ຢ່າງກ່ຽວກັບພັກກອມມູນິດຫວຽດນາມ
ງານວາງສະແດງໄດ້ໄຂຂຶ້ນໃນຕອນເຊົ້າວັນທີ 15/1
(ພາບ:laodong.com.vn)
|
Vovworld - ງານວາງສະແດງປຶ້ມ, ເອກະສານດ້ວຍຫົວຂໍ້ວ່າ “ພັກກອມມູນິດ ຫວຽດນາມ - ຈາກກອງປະຊຸມໃຫຍ່ຄັ້ງນີ້ ຫາກອງປະຊຸມໃຫຍ່ຄັ້ງຕໍ່ໄປ” ໄຂຂຶ້ນໃນຕອນເຊົ້າວັນທີ 15/1, ຢູ່ຫໍສະໝຸດແຫ່ງຊາດ ຫວຽດນາມ. ງານວາງສະແດງໄດ້ຮັບການຈັດຕັ້ງເພື່ອແນໃສ່ຂ່ຳນັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ ແລະ ສະເຫຼີມສະຫຼອງ 86 ປີແຫ່ງວັນສ້າງຕັ້ງພັກກອມມູນິດ ຫວຽດນາມ. ທ່ານ ຫງວຽນຊວນຢູ້ງ, ຮອງຜູ້ອຳນວຍການຫໍສະໝຸດແຫ່ງຊາດ ຫວຽດນາມ, ໃຫ້ຮູ້ວ່າ:
“ງານວາງສະແດງຄັ້ງນີ້ໄດ້ນຳມາວາງສະແດງບັນດາເອກະສານສ່ອງແສງການກຳເນີດຂອງພັກກອມມູນິດ ຫວຽດນາມ ກໍຄືກອງປະຊຸມໃຫຍ່ຂອງພັກ 11 ຄັ້ງ. ບັນດາເອກະສານລວມມີ: ປຶ້ມ, ໜັງສືພິມ, ວາລະສານ, ພາບຖ່າຍ, ເທບວີດີໂອ… ເຊິ່ງໄດ້ສ່ອງແສງບັນດາຜົນງານຂອງພັກກອມມູນິດ ຫວຽດນາມ ໃນຕະຫຼອດ 86 ປີຜ່ານມາ. ພວກຂ້າພະເຈົ້າມີເອກະສານຫຼາຍຢ່າງກ່ຽວກັບການລຸກຮືຂຶ້ນຂອງປະຊາຊົນ ຫວຽດນາມ ກ່ອນທີ່ພັກ ໄດ້ຮັບການສ້າງຕັ້ງ. ນີ້ແມ່ນປະຖົມປັດໄຈເພື່ອສ້າງຕັ້ງພັກກອມມູນິດ ຫວຽດນາມ.”